මුලතිව් පුදුකුඩිඉරිප්පු ආනන්ද පුරම් ප්රදේශයේ ක්රිෂ්ණපුරම් හින්දු කෝවිල ආසන්නයේ ඉඩමකින් මිනිස් අස්ථි කොටස් හමු වූ ස්ථානයේ කැනීම් කොට අධිකරණයට වාර්ථාවක් ලබාදෙන ලෙසට මුලතිව් මහෙස්ත්රාත් ආර්ගසර්වනරාජා මහතා නියෝග කොට සිටියේය.
මුලතිව් මහෙස්ත්රාත්වරයා අදාල ස්ථානයේ ඊයේ (19) දින නිරීක්ෂණය කරමින් මහෙස්ත්රාත් පරික්ෂණය සිදුකරන ලද අවස්ථාවේදී මුලතිව් අධිකරණ වෛද්යවරයාට මෙලෙස අදාල අස්ථි පිළිබඳව අධිකරණ වෛද්ය වාර්ථාවක් ලබාදෙන ලෙසට නියෝග කොට සිටියේය.
පසුගිය 11 වනදා ක්රිෂ්ණපුරම් කෝවිල ආසන්නයේ පිහිටි ඉඩමක තිබූ කසල ගොඩක් තුල අදාල මිනිස් අස්ථි කොටස් තිබී හමුවී ඇති අතර අදාල ස්ථානයට පැමිණි පොලිස් නිලධාරීන් විසින් අස්ථි කොටස් පරික්ෂා කොට ඒ පිළිබඳව මුලතිව් අධිකරණයට දැනුම් දෙනු ලැබීය.
අනතුරුව පැවති වර්ෂාපතනය හේතුවෙන් අවස්ථා කිහිපයකදී අදාල ස්ථානයේ මහෙස්ත්රාත් පරික්ෂණ කටයුතු සිදුකිරීමට නොහැකිව කල්දැමුනු අතර ඊයේ දින මෙලෙස මහෙස්ත්රාත් පරික්ෂණය සහ කැනීම් කටයුතු සිදු විය.
කැනීම් සිදුකිරීමේදී තවත් අස්ථි කොටස් කිහිපයක් සහ රෝහල් උපකරණ රැසක් හමුවී ඇති බවට පරික්ෂණ සිදුකරන පුදුකුඩිඉරිප්පු පොලීසිය වැඩිදුරටත් පැවසීය.
