නියෝජ්ය අමාත්ය ධුරයෙන් ඉවත් වී අභියෝගාත්මක තනතුරක් වන මුදල් අමාත්යංශයේ ලේකම් ධුරයේ වගකීම ආචාර්ය හර්ෂණ සූරියප්පෙරුම නිර්භීතව භාරගත් බව නියෝජ්ය මුදල් අමාත්ය අනිල් ජයන්ත පවසනවා.
කොළඹ දී අද (21) උදෑසන පැවති වැඩසටහනකින් අනතුරුව මාධ්ය වෙත අදහස් දක්වමින් මුදල් නියෝජ්ය අමාත්යවරයා මේ බව පැවසුවා.
මෙහිදී නියෝජ්ය අමාත්යවරයා වැඩිදුරටත් පැවසුවේ එම තනතුර සඳහා අවශ්ය සුදුසුකම් සහ හැකියාව ආචාර්ය හර්ෂණ සූරියප්පෙරුමට ඇති බවයි.
මේ අතර ජාත්යන්තර මූල්ය අරමුදලේ විස්තීරණ ණය පහසුකම් පිළිබඳව සහ ශ්රී ලංකාවේ ක්රියාවලිය ජාත්යන්තර මූල්ය අරමුදලේ පැසසුමට ලක්වීම පිළිබඳ දඔහු මෙහිදී අදහස් පළ කළා.
ජාතික ජන බලවේගයේ ජාතික ලැයිස්තු පාර්ලිමේන්තු මන්ත්රී සහ මුදල් සහ ක්රම සම්පාදන නියෝජ්ය අමාත්යවරයා ලෙස කටයුතු කළ ආචාර්ය හර්ෂණ සූරියප්පෙරුම සිය පාර්ලිමේන්තු මන්ත්රී ධුරයෙන් ඉල්ලා අස් වුණා.
ඔහුගේ අස්වීමේ ලිපිය තමා වෙත ලබාදී ඇති බව පාර්ලිමේන්තුවේ මහ ලේකම් කුෂානි රෝහණදීර මැතිවරණ කොමිෂන් සභාවේ සභාපතිවරයා වෙත ලිපියක් යොමු කරමින් දන්වා ඇති බව සඳහන්.
මුදල් අමාත්යංශයේ ලේකම් ධුරය භාරගැනීම වෙනුවෙන් ඔහු මෙලෙස පාර්ලිමේන්තු මන්ත්රී ධුරයෙන් ඉල්ලා අස්වී තිබෙනවා.
