ප්ලාස්ටික් නිෂ්පාදන භාවිතයෙන් ආහාර සකස් කරන ආයතන සහ මිනිස් පරිභෝජනයට නුසුදුසු නිෂ්පාදන අලෙවි කරන ව්යාපාර සෞඛ්ය නිලධාරීන් විසින් පරීක්ෂා කර ව්යාපාරිකයින් 13 දෙනෙකුට එරෙහිව නඩු පවරා තිබෙනවා.
දසත ප්රාදේශීය වාර්තාකරු කියා සිටියේ මඩකලපුව සෞඛ්ය වෛද්ය නිලධාරී කොට්ඨාසයට අයත් මාමන්ගම්, ඉරුදයපුරම් සහ කෝට්ටමුනේ මහජන සෞඛ්ය පරීක්ෂක කොට්ඨාසවල මහා පරිමාණ විශේෂ ආහාර පරීක්ෂාවක් සහ වැටලීමක් සිදු කළ බවයි.
ඊයේ (12) සවස වෙළෙඳ ආයතන 18ක සිදු කරන ලද වැටලීම් සහ සෝදිසි මෙහෙයුම්වල දී මිනිස් පරිභෝජනයට නුසුදුසු ආහාර සොයාගැනුණා.
මෙම මෙහෙයුමේ දී ඉදිආප්ප වැනි ආහාර පිළියෙළ කිරීම සඳහා භාවිතා කරන ලද ප්ලාස්ටික් උපකරණ විශාල ප්රමාණයක් සහ මිනිස් පරිභෝජනයට නුසුදුසු කල් ඉකුත් වූ නිෂ්පාදන අත්අඩංගුවට ගෙන ඇති අතර, එම නිෂ්පාදන යොදා ගනිමින් ආහාර පිළියෙළ කර අලෙවි කළ වෙළෙන්දන්ට එරෙහිව නඩු පවරා තිබෙනවා.
මඩකලපුව දිස්ත්රික් ප්රාදේශීය සෞඛ්ය සේවා අධ්යක්ෂ එස්. මුරලීස්වරන්ගේ උපදෙස් පරිදි මඩකලපුව සෞඛ්ය වෛද්ය නිලධාරී වෛද්ය උදයකුමාර් මහතාගේ මඟපෙන්වීම යටතේ මෙම සෝදිසි මෙහෙයුම් සිදු කෙරුණා.
අදාළ පුද්ගලයින් අධිකරණයට ඉදිරිපත් කිරීමට නියමිතයි.
