කොළඹ රිමාන්ඩ් බන්ධනාගාරයේ රඳවා සිටින සිය මිතුරෙකුට ලබාදීම සඳහා රැගෙන ආ ආහාර අඩංගු බාල්දියේ ව්‍යාජ පතුලක් තුළ සඟවා තිබූ හෙරොයින් ග්‍රෑම් 25කට අධික ප්‍රමාණයක් බන්ධනාගාරය තුළට රැගෙන ඒමෙන් හෙරොයින් ජාවාරම් කිරීම සහ ළඟ තබා ගැනීමේ අධි චෝදනාවලට වරදකරු වූ තරුණයෙකුට ජීවිතාන්තය දක්වා සිර දඬුවම් නියම වී තිබෙනවා.
අද (10) පෙරවරුවේ කොළඹ මහාධිකරණ විනිසුරු මංජුල තිලකරත්න මහතා විසිනුයි අදාළ තීන්දුව නිකුත් කරනු ලැබුවේ.
මෙම සැකකරුවා වයස අවුරුදු 25ක් වන අවිවාහක පුද්ගලයෙකු බවයි පැවසෙන්නේ.
එම විත්තිකරුට එරෙහිව වන අධිචෝදනා සාධාරණ සැකයකින් තොරව අධිකරණයේ දී ඔප්පු වුණා.
සැකකරු 2019 දෙසැම්බර් 04 වැනි දින කොළඹ රිමාන්ඩ් බන්ධනාගාරයට රැගෙන ආ බත් සහ බඳින ලද මස් අඩංගු බාල්දිය තුළ ව්‍යාජ ලෙස සැකසූ පතුලක් තුළ මෙම හෙරොයින් සහ දූරකථන උපාංග සොයා ගැනීමටයි බන්ධනාගාර නිලධාරියා සමත් වූයේ.
ඉන් අනතුරුව විත්තිකරුව අත්අඩංගුවට ගැනුණු අතර අදාළ නඩු තීන්දුව මෙලෙස ප්‍රකාශයට පත් කෙරුණා
