මැතිවරණ රාජකාරියේ නිරතව සිටි පොලිස් නිලධාරියෙක් සහ තවත් සාමාන්‍ය නිලධාරීන් දෙදෙනෙක් හදිසියේ ජිවිතක්ෂය පත්ව ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව පවසනවා.
අද (14) පෙරවරුවේ කැඳවා තිබූ මාධ්‍ය හමුවක් අමතමින් මාධ්‍ය ප්‍රකාශකවරයා මේ බව සඳහන් කළා.
හදිසියේ ඇති වූ අසනීප තත්ත්වයන් හේතුවෙන් ඔහුන් මෙලෙස ජීවිතක්ෂයට පත්වන ඇති බවට විශ්වාස කරන බවයි ඔහු වැඩිදුරටත් පැවසුවේ.
කෝපායි, කැස්බෑව සහ කොබෙයිගනේ යන ප්‍රදේශවල පිහිටි ඡන්ද මධ්‍යස්ථානවල දී මෙම මරණ සිදුව ඇති බවයි තොරතුරු වාර්තා වන්නේ.
මේ අතර නීතිවිරෝධී ලෙස මැතිවරණ ප්‍රචාරක කටයුතුවල නිරත වූ පුද්ගලයින් තිදෙනෙක් අද (14) දිනය තුළ අත්අඩංගුවට ගෙන ඇති බව ද පොලිස් මාධ්‍ය ප්‍රකාශකවරයා මෙහිදී පැවසුවා.
මන්නාරම සහ බියගම යන ප්‍රදේශවල දී මෙම පුද්ගලයින් සිව්දෙනා අත්අඩංගුවට ගෙන ඇති බවයි වාර්තා වුණේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
