ආපදාවෙන් විපතට පත් ජනතාව වෙත බෙදා දීම සඳහා ටින් කළ ටූනා මාළු පෙට්ටි 25,000ක් මාලදිවයිනෙන් ශ්රී ලංකාවට පරිත්යාග කර තිබෙනවා.
බහාලුම් 14ක අසුරන ලද මෙම ටූනා ටින් මාළු තොගය අද (05) පස්වරුවේ මාලදිවයිනේ මහ කොමසාරිස්වරයා විසින් නිල වශයෙන් ශ්රී ලංකා රජය වෙත භාර දුන් අතර, ආපදා කළමනාකරණ මධ්යස්ථානයේ (DMC) මෙහෙයුම් අධ්යක්ෂ බ්රිගේඩියර් රොෂාන් ධර්මවික්රම, බටහිර නාවික ප්රදේශයේ නියෝජ්ය ප්රාදේශීය අණදෙන නිලධාරී කොමදෝරු අරුණ විජේවර්ධන සහ විදේශ කටයුතු අමාත්යාංශයේ නියෝජ්ය අධ්යක්ෂ ඩයනා පෙරේරා යන අය එම අවස්ථාවට සහභාගී වී සිටියා.
ආපදාවෙන් විපතට පත් ජනතාවට අවශ්ය ආහාර ද්රව්ය ලබා දීම ඇතුළු සහන සැලසීමේ රජයේ වැඩපිළිවෙළට සහාය වෙමින් මාලදිවයින් රජය මෙම පරිත්යාගය සිදු කර තිබෙන අතර මෙම ආහාර ද්රව්ය කඩිනමින් ආපදාවට ලක් වු ප්රදේශවල ජනතාව වෙත බෙදා දීමට කටයුතු කරන බව නිලධාරීන් පවසා සිටියා.
