දරුවන් පිළිබඳව මාධ්ය වාර්තාකරණයේ දී දරුන්ගේ අනන්යතාව හෝ එම දරුවන්ගේ පවුලේ ඥාතින්ගේ අනන්යතාව හෙළි නොවන අන්දමින් වාර්තා කරන ලෙස වසර ගණනාවක සිට මාධ්ය දැනුවත් කළ ද එය සිදු නොවන බව පුවත්පත් කොමසාරිස් නිරෝෂන් තඹවිට මහතා අවධාරණය කරනවා.
පුවත්පත් කොමාසාරිස්වරයා මේ බව ප්රකාශ කළේ ජාතික ළමා ආරක්ෂක අධිකාරිය සංවිධානය කළ මාධ්ය දැනුවත් කිරිමේ වැඩසටහන අමතමින්.
බොහෝ ජාතික පුවත්පත් සහ විද්යුත් නාලිකා දරුවන්ගේ ඡායාරූප සහ දැඩි පිළිකුල්සහගත සිරස්තල යොදමින් සිදු කරන්නේ ද තවත් ආකාරයේ ළමා අපයෝජනයක් බවයි හෙතෙම පෙන්වාදෙන්නේ.
ප්රවෘත්තියක් ඒ අයුරින් වාර්තා කිරීම සුදුසු වුවත් ඒ පිළිබඳ ව පුද්ගලයන්ට සහ ඔවුන්ගේ අනාගතයට බලපාන ආකාරය ගැන සැලකිලිමත් වී වාර්තා කිරීම ජනමාධ්යවේදීන්ගේ වගකිම බව ද ඒ මහතා පෙන්වාදෙනවා.
මාධ්ය ආචාර ධර්මවලට අනුකූලව කිසිදු පාර්ශ්වයකට අගතියක් නොවන ලෙස වාර්තා කිරීම වගකීම්සහගත මාධ්යවේදියෙකුගේ වගකීමක් බව ද පුවත්පත් කොමසාරිස්වරයා වැඩිදුරටත් පෙන්වාදුන්නා.
