කොළඹ – ග්රෑන්ඩ්පාස් හි පිහිටි මහල් නිවාස සංකීර්ණයක ඇති විදුලි සෝපානයක් කඩා වැටීමෙන් පුද්ගලයින් සිව්දෙනෙකු තුවාල ලබා තිබෙනවා.
මෙම සිදුවීම අද (11) පස්වරුවේ සිදු ව ඇති අතර මහල් නිවාස සංකීර්ණයේ ‘ඩී බ්ලොක්’ කොටසේ දියි අනතුර සිදු ව ඇත්තේ.
මුවදොර මහල් නිවාස සංකීර්ණයේ සිදු වූ මෙම අනතුරින් ග්රෑන්ඩ්පාස් පොලිසියේ පොලිස් කොස්තාපල්වරයෙකු ඇතුළු සිව්දෙනෙකු තුවාල ලැබුවා.
තුවාලකරුවන් මේ වනවිට කොළඹ ජාතික රෝහලට ඇතුළත් කර ඇති බවත් තුවාල ලැබූ පොලිස් නිලධාරියාගේ කකුළට බරපතළ හානි සිදු ව ඇති බවත් පැවසෙනවා.
“මුවදොර උයන” නිවාස සංකීර්ණයේ 5 වන මහලේ පිරිසක් විසින් අවට පදිංචිකරුවන්ට කරදකාරී වන අයුරින් ඊයේ (10) දින උපන්දින සාදයක් පවත්වා තිබෙනවා.
ග්රෑන්ඩ්පාස් පොලිසියේ රාත්රී මුර සංචාරයේ නිරත වී සිටි පොලිස් සැරයන්වරයකුට මේ ගැන දුරකතන ඇමතුමක් ලැබී ඇති අතර ඒ අනුවයි පොලිස් නිලධාරීන් එම නිවාස සංකීර්ණය සෝදිසි කිරීමට පැමිණ ඇත්තේ.
උපන්දින සාදය පවත්වන නිවෙසට ගොස් එය සමථයකට පත් කර නැවත පිටව යාමේදී 04 වන තට්ටුවේ දී සෝපානය කඩා වැටී ඇති බවයි පොලිසිය පවසන්නේ.
