ඉන්දියාවේ සිට මුහුදු මාර්ගයෙන් මෙරටට PREGAB නම් මත් කරල් 13,49,640ක් රැගෙන එමින් සිටි සැකකරුවන් 05 දෙනෙකුව නාවුක හමුදාවේ කල්පිටිය කඳවුරට අනුයුක්ත නිලධාරීන් පිරිසක් විසින් අත් අඩංගුවට ගනු ලැබුවා.
දසත ප්රාදේශීය වාර්තාකරු පැවසුවේ, ඊයේ (14) කල්පිටිය – උච්චමුනේ දූපතට ආසන්න මුහුදු තීරයේ දී මෙම අත්අඩංගුවට ගැනීම සිදු කර ඇති බවයි.
මත් කරල් තොගය සමග අත්අඩංගුවට ගෙන ඇත්තේ කල්පිටිය – මොහොත්තුවාරම, වන්නිමුන්දලම, කුරක්කන්හේන සහ සින්නකුඩිරිප්පුව පදිංචිකරුවන් පිරිසක්.
ඔවුන් වයස අවුරුදු 22,34,36 සහ 44 වියේ පසුවන බව වැටලීම කළ නාවුක හමුදා නිලධාරීන් කියා සිටියා.
මත් කරල් තොගය මුහුදු මාර්ගය ඔස්සේ මෙරටට ගෙන ඒම සඳහා යොදා ගත් ඩිංගි යාත්රා 03ක් ද වැටලීම කළ නිලධාරීන් විසින් තම භාරයට ගෙන ඇති බවයි වාර්තා වන්නේ.
මත් කරල් සහිත කාඩ් 1,34,964ක් පොලිතින් මළු 18 ක අසුරා තිබූ බවත් පැවසෙනවා.
මෙම මත් කරල් 02 ක් රුපියල් 500ක මුදලකට කල්පිටිය සහ ඒ අවට රහසිගත ව අලෙවි කරන බවට මීට පෙර බුද්ධි තොරතුරු වාර්තා වී තිබූ බවත්
අත්අඩංගුවට ගෙන ඇති සැකකරුවන් සහ මත් කරල් තොගය ද, ඩිංගි බෝට්ටු 03 ද වැඩිදුර විමර්ශන කටයුතු සඳහා කල්පිටිය පොලීසියට භාර දීමට නියමිතයි.
