මත්තල රාජපක්ෂ ජාත්යන්තර ගුවන්තොටු පොළ සඳහා අපගමන බද්දට අදාළව ප්රදානය කර ඇති සහන කාලය දීර්ඝ කිරීමට අමාත්ය මණ්ඩල අනුමැතිය හිමිව ඇති බව කැබිනට් මාධ්ය ප්රකාශක අමාත්ය නලින්ද ජයතිස්ස සඳහන් කළා.
2025-01-06 දින අමාත්ය මණ්ඩලය විසින් ගනු ලැබ ඇති තීරණයක් පරිදි මත්තල රාජපක්ෂ ජාත්යන්තර ගුවන්තොටුපොළ වෙත නිශ්චිත කාලසටහන්ගත ගමන් වාර ක්රියාත්මක කරනු ලබන ගුවන් සේවා අපගමන බද්දෙන් නිදහස් කරනු ලැබ තිබෙනවා.
එම බදු සහනය යටතේ ඇතැම් ගුවන්සේවා විසින් මේ වන විටත් එම ගුවන්තොටු පොළ වෙත සහ ඉන් පිටතට නිශ්චිත ගුවන් ගමන් වාර සහිතව ජාත්යන්තර ගුවන් ගමන් ක්රියාත්මක කර ඇති අතර, ඇතැම් ගුවන් සේවා එම ගුවන් තොටු පොළ වෙත ගුවන් ගමන් මෙහෙයුම් ක්රියාත්මක කිරීම සඳහා සිය අභිලාෂය ප්රකාශ කර ඇති බව සඳහන්.
එකී අපගමන බදු සහනය තවදුරටත් පවත්වා ගෙන යාම මඟින් තරගකාරිත්වය ඉහළ නැංවීම හරහා එම ගුවන්තොටු පොළ වෙත නව නිශ්චිතජාත්යන්තර ගුවන් සේවා ආකර්ශනය කර ගැනීමට හා පවතින ජාත්යන්තර ගුවන් ගමන් මෙහෙයුම් අඛණ්ඩව පවත්වා ගෙන යාමට හැකි වනු ඇතැයි අපේක්ෂා කෙරෙනවා.
ඒ අනුව දැනට ක්රියාත්මක වන අපගමන බදු නිදහස් කාල සීමාව 2027-06-26 දින දක්වා තවදුරටත් දීර්ඝ කිරීම පිණිස ප්රවාහන, මහාමාර්ග, වරාය සහ සිවිල් ගුවන් සේවා අමාත්යවරයා ඉදිරිපත් කළ යෝජනාව අමාත්ය මණ්ඩලයේ අනුමැතිය හිමිව තිබෙනවා.
