බෝලෙ මුහුණේ වැදුණට ඔස්ට්‍රේලියානු ටෙනිස් ශූරයා ප්‍රසිද්ධියේ සමාව අයදියි

ATP විවෘත තරගාවලියේ සුදුසුකම් ලැබීමේ තරගයක දී ටෙනිස් විනිසුරු බෙන් ඇන්ඩර්සන්ගේ මුහුණට පන්දුවක් වැදීම සම්බන්ධයෙන් ඔස්ට්‍රේලියානු ටෙනිස් ශූරයෙකු ප්‍රසිද්ධියේ සමාව අයැද සිටිනවා.

මෙම සිදුවීම පසුගියදා සිදු වූයේ චීනයේ පැවැත්වෙන විවෘත ටෙනිස් තරගාවලියේ පැවති සුදුසුකම් ලැබීමේ තරග වටයල් ෂැංහයි මාස්ටර්ස් ක්‍රීඩාංගණයේ දී පැවැත්වෙන අතරතුරයි.

ඔස්ට්‍රේලියානු ටෙනිස් ශ්‍රේණිගත කිරීම්හි ප්‍රමුඛතා ලැයිස්තුවේ සිටින්නෙකු වන Marc Polmans විසින් තරගයක් අතරතුර එල්ල කරන ලද පහරක් වැරදීමෙන් තරග විනිසුරු ලෙස පිටියෙහි රැඳී සිටි විනිසුරුවරයාගේ මුහුණෙහි වැදී තිබෙනවා.

එය අත් වැරදීමකින් සිදු වූවක් බවත්, ඒ සම්බන්ධයෙන් තමන්ගේ කනගාටුව මෙන් ම සිදු වූ අපහසුතාවට සමාව ද මාර්ක් විසින් ඉල්ලා ඇති බවයි CNN පුවත් අංශය වාර්තා කරන්නේ.

Polmans ඉතාලි ක්‍රීඩක Stefano Napolitano ට එරෙහිව තරග කරමින් සිටියදියි ඇන්ඩර්සන්ගේ මුහුණට පෝල්මන්ස් එල්ල කළ පහරකින් පන්දුව මුහුණෙහි වැදුණේ.

ඔස්ට්‍රේලියානු ටෙනිස් ක්‍රීඩකයා සිය නිල X (ට්විටර්) හි සටහනක් තබමින් සඳහන් කර ඇත්තේ තමන්ගේ ක්‍රියාවන් සඳහා විනිසුරු බෙන්ගෙන් සමාව අයැද සිටින බවයි.

එය වැඩිදුරටත් මෙසේයි;

“The umpire, Ben, has accepted my apology for my actions – he knows it was unintentional and I shanked the ball on the frame in frustration in the heat of the moment..” යනුවෙන්.

කෙසේවෙතත් රොයිටර් වාර්තා කළේ පොල්මන්ගේ හැසිරීම යෝග්‍ය නොවීම හේතුවෙන් තරගාවලියෙන් ලැබුණු සියලුම ශ්‍රේණිගත කිරීම්, ලකුණු සහ ත්‍යාග මුදල් අහිමි වනු ඇති බවයි.