2024 වසරේ පැවැත්වෙන ඉන්දීය ප්රිමියර් ලීග් තරගාවලියෙන් ඉවත් වීමට එංගලන්ත තුන් ඉරියව් ක්රීඩක බෙන් ස්ටොක්ස් තීරණය කර තිබෙනවා.
තම රට වෙනුවෙන් පැවැත්වෙන තරගාවලි කලමනාකරණය කර ගැනීමට මෙන්ම ශාරීරික යෝග්යතාව පවත්වා ගැනීමේ අරමුණින් මෙම තීරණය ගෙන ඇති බවයි ඔහු සඳහන් කර ඇත්තේ.
චෙන්නායි සුපර් කිංග්ස් කණ්ඩායම මීට පෙර ප්රකාශ කර තිබුණේ 2023 එක්දින ලෝක කුසලානය අවසන් වූ පසු ස්ටෝක්ස්ගෙන් විමසීමක් කරන බවයි.
එංගලන්ත තුන් ඉරියව් ක්රීඩක බෙන් ස්ටෝක්ස්, ඔහුගේ කණ්ඩායම් කාර්ය භාරය සහ යෝග්යතාවය කළමනාකරණය කර ගැනීම සඳහා මෙම තරගාවලියට සහභාගී වීමට නොහැකි බවටයි ප්රකාශ කර ඇත්තේ.
පසුගියදා ඉන්දියාවේ පැවති එක්දින ලෝක කුසලානයට ක්රීඩා කිරීම සඳහා එක්දින තරගවලින් විශ්රාම යාම ද ස්ටොක්ස් ප්රමාද කර තිබුණා.
එමෙන්ම ලෝක කුසලාන තරගාවලියෙන් පසුව තමා දණහිසේ ශල්යකර්මයකට භාජනය කිරීමට නියමිත බව ස්ටෝක්ස් හෙළිදරව් කළ අතර එය ඔහු කලක සිට ප්රමාද කළ පියවරක්.
2023 IPL තරගාවලියට පෙර වෙන්දේසියේදී සුපර් කිංග්ස් කණ්ඩායමේ මිල අධිකම මිලදී ගැනීම වූ ස්ටොක්ස් ඉන්දීය රුපියල් කෝටි 16.25ක් (එකල ඇමරිකානු ඩොලර් මිලියන 1.98 දළ වශයෙන්) කට අලෙවි වුණා.
ඔහුගේ වම් දණහිසේ ආබාධය දිගු කලක සිට පැවති එකක් වුවද, මේ වසරේ පෙබරවාරි මාසයේ එංගලන්තයේ නවසීලන්ත තරග සංචාරයේදී එය වර්ධනය වී තිබුණා. සුපර් කිංග්ස් පුහුණුකරු ස්ටීවන් ෆ්ලෙමින් ඒ අවස්ථාවේ ප්රකාශ කර තිබුණේ ස්ටෝක්ස්ගෙන් පන්දු යැවීමට ඉල්ලා සිටීමට පෙර කණ්ඩායම “100% සූදානම්” වන තෙක් බලා සිටින බවයි.
ලෝක කුසලානයේ දී, ස්ටෝක්ස් එංගලන්තයේ තරඟ නවයෙන් හයක් ක්රීඩා කළ අතර, පළමු තරඟ තුන අහිමි වූ නමුත් පසුව ඩේවිඩ් මාලන්ට පිටුපසින් එංගලන්තයේ දෙවන වැඩිම ලකුණු ලාභියා බවට ද පත්වුණා. ලෝක කුසලානයේදී කිසිසේත්ම පන්දු නොයවා සිටි ස්ටෝක්ස්, ඔහුගේ ඉනිම් හයේදී අර්ධ ශතක දෙකක් සහ ශතකයක් ඇතුළුව ලකුණු 304ක් ලබා ගත්තා. ඔහු ලකුණු 50.66ක සාමාන්යයකින් සහ 89.14ක පහර වේගයකින් ලකුණු රැස් කළා.
