බාලේන්ද්‍ර ෂා නේපාලයේ නව අග්‍රාමාත්‍යවරයා ලෙස දිවුරුම් දී හෝරා කිහිපයකින් පසු එරට හිටපු අග්‍රාමාත්‍ය කේ.පී. ෂර්මා ඔලී අත්අඩංගුවට ගෙන තිබෙනවා.
නේපාලයේ පසුගිය වසරේ පැවති Gen Z (ජේන් සී) විරෝධතා සම්බන්ධයෙන් හිටපු අග්‍රාමාත්‍යවරයා මෙලෙස අත්අඩංගුවට ගෙන ඇති බවයි වාර්තා වුණේ.
භක්තපූර් හි ගුන්ඩු හි පිහිටි ඔහුගේ නිවසේ දී නේපාල පොලිසිය විසින් කේ.පී. ෂර්මා ඔලී අත්අඩංගුවට ගෙන ඇති අතර, ඔහු සමඟ ඔහුගේ හිටපු ස්වදේශ කටයුතු අමාත්‍ය රමේෂ් ලේඛක් ද අත්අඩංගුවට ගෙන ඇති බවයි විදෙස් වාර්තා පැවසුවේ.
හිටපු අග්‍රාමාත්‍ය කේ.පී. ෂර්මා ඔලී සහ හිටපු ස්වදේශ කටයුතු අමාත්‍ය රමේෂ් ලේඛැක්ට ජේන් සී විරෝධතාවලට සම්බන්ධ බවට චෝදනා එල්ල වී තිබෙනවා.
පසුගිය වසරේ තරුණයන්ගේ මූලිකත්වයෙන් ඇති වූ විරෝධතාවලින් පසු නේපාලයේ පැවති පළමු මැතිවරණයෙන් විශිෂ්ට ජයග්‍රහණයක් ලබාගත්, දේශපාලනඥයෙකු බවට පත් වූ රැප් ගායක බාලේන්ද්‍ර ෂා එරට අග්‍රාමාත්‍යවරයා ලෙස ඊයේ (27) දිවුරුම් දුන්නා.
විකට නළුවෝ රැප් ගායකයෝ තමයි ඉතින් දැන්