නුවරඑළිය ලවර්ස් ලීප් දිය ඇල්ල නැරඹීමට ගොස් අවදානම් සහිත ගලක් මත සිට සෙල්ෆි ඡායාරූප ගැනීමට ගිය විදෙස් ජාතික සංචාරකයෙක් අනතුරට පත්ව තුවාල ලබා තිබෙනවා.
මෙලෙස අනතුරට ලක්ව ඇත්තේ 52 හැවිරිදි වියේ පසුවන විදෙස් ජාතිකයෙක් බවයි වාර්තා වුණේ.
මෙම විදෙස් ජාතික සංචාරකයා ඊයේ (27) පෙරවරුවේ සිය බිරිඳ ද සමඟ ලවර්ස් ලීප් දිය ඇල්ල නැරඹීමට ගොස් තිබෙනවා.
එම අවස්ථාවේ දී ඔහු දිය ඇල්ලේ කඳු මුදුනේ පිහිටි අවදානම් සහිත ගලක් මත සිට සෙල්ෆි ඡායාරූපයක් ගැනිමට උත්සාහ කිරීමේ දී එම විදේශිකයා ගලෙන් පහළට ඇද වැටී තුවාල ලබා තිබෙනවා.
අනතුර සම්බන්ධයෙන් පොලිසිය දැනුවත් වීමෙන් පසු නුවරඑළිය මහ නගර සභාවේ ගිනි නිවන ඒකකයේ නිලධාරින් ද සමඟ එහි ගොස් එම නිලධාරින්ගේ සහාය ඇතිව අනතුරට ලක්ව සිටි විදේශ ජාතික සංචාරකයා බේරාගෙන නුවරඑළිය දිස්ත්රික් මහ රෝහල වෙත ඇතුළත් කිරීමට කටයුතු කර තිබෙනවා.
අනතුරින් විදේශිකයාගේ පාදයකට දැඩි ලෙස තුවාල සිදු වී ඇති බවයි නුවරඑළිය රෝහලේ වෛද්යවරයෙකු සඳහන් කළේ.
