තම බිරිඳට බලහත්කාරය පා ලිංගික අතවර කිරීමට උත්සාහ කළ බව කියන පුද්ගලයෙකුට එම බිරිඳගේ සැමියා විසින් උදැල්ලකින් පහර දී ඝාතනය ඇතැයි අනුරාධපුර පොලිසිය පවසනවා.
දසත ප්‍රාදේශීය වාර්තාකරු පැවසුවේ; අද (12) අලුයම අනුරාධපුර – විජයපුර 09 ඇළ ප්‍රදේශයේ දී මෙම සිදුවීම සිදු ව ඇති බවයි පැවසෙන්නේ.
අනුරාධපුර – විජයපුර, 09 ඇළ මාර්ගයේ සිංහ බේකරිය අසල ප්‍රදේශයේ දී කිසියම් පුද්ගලයකු විසින් කාන්තාවකට බලහත්කාරය පා ලිංගික අතවර කිරීමට උත්සාහ කර ඇති බවත් එම අවස්ථාවේ අදාළ කාන්තාවගේ සැමියා විසින් එම පුද්ගලයාට උදැල්ලකින් පහර දී ඇති අතර එම අවස්ථාවේ දී බලහත්කාරය පෑමට ඈ තැනැත්තා මියගොස් ඇති බවත් වාර්තා වනවා.
මෙලෙස ඝාතනයට ලක් ව ඇත්තේ වයස අවුරුදු 42ක් වන මීගමුව ,කටුනේරිය ප්‍රදේශයේ පදිංචිකරුවෙක්.
ඔහු මෑතක සිට මැදවච්චිය ප්‍රදේශයේ පදිංචිව සිට ඇති බව පොලිසිය පවසනවා.
පහරදීමට භාවිත කළ උදැල්ලත් සමග සැකකාර ස්වාමියා පොලිසිය විසින් අත්අඩංගුවට ගෙන ඇති බවයි වාර්තා වන්නේ.
අත්අඩංගුවට ගෙන ඇති සැකකරු අනුරාධපුර මහේස්ත්‍රාත් අධීකරණයට ඉදිරිපත් කිරීමට නියමිතයි.
