10 හැවිරිදි දැරියක් ඝාතනය කළ සිදුවීමකට බාලවයස්කරුවෙක් අත්අඩංගුවට ගැනුණු පුවතක් ඉන්දියාවේ හයිද්රාබාද්හි කුකට්පල්ලි ප්රදේශයෙන් වාර්තා වනවා.
මෙලෙස අත්අඩංගුවට ගෙන ඇත්තේ වයස අවුරුදු 14ක බලවයස්කරුවෙක් බවයි වාර්තා වන්නේ.
කුකට්පල්ලි ප්රදේශයේ නිවසක් තුළ දැරිය ඝාතනය කර දින පහකට පසු සැකකාර බාලවයස්කරුවාව සයිබරාබාද් පොලිසිය විසින් අත්අඩංගුවට ගෙන ඇති බවයි එරට මාධ්ය වාර්තා කළේ.
මෙම සිදුවීම සම්බන්ධයෙන් සයිබරාබාද් පොලිස් කොමසාරිස්වරයා ඊයේ (23) මාධ්ය හමුවක් පවත්වමින් කරුණු ආවරණය කර තිබෙනවා.
තම සහෝදරයාගේ ක්රිකට් පිත්ත සොරකම් කිරීමට පැමිණ ඇති වයස අවුරුදු 14ක බාලවයස්කරුවා දැරිය විසින් අල්ලාගත් විට, බාලවයස්කරුවා විසින් ඇයට අමානුෂික ලෙස පිහියෙන් ඇන ඇති බවයි අනාවරණය වී ඇත්තේ.
පසුගිය අගෝස්තු 18 වනදා දැරිය ඇගේ නිවසේ තනිව සිටියදී ඝාතනය කර ඇති බවට තහවුරු වී තිබෙනවා.
පොලිස් කොමසාරිස්වරයා පැවසුවේ විත්තිකරු පිහිය සහ ඔහුගේ අත් සෝදා, ඇඳුම් මාරු කර, සැකය වළක්වා ගැනීම සඳහා සාමාන්ය ලෙස හැසිරීමට උත්සාහ කර ඇති බවයි වාර්තා වන්නේ.
සැකකාර බාලවයස්කරුවා මුලින් විමර්ශකයින් නොමඟ යැවීමට උත්සාහ කළ නමුත් අධිකරණ වෛද්ය ඉඟි, අවස්ථානුකූල සාක්ෂි සහ අඛණ්ඩ ප්රශ්න කිරීම් මගින් අපරාධයට ඔහුගේ සම්බන්ධ බවයි තහවුරු කරගෙන ඇත්තේ.
එමෙන්ම ඔහුගේ සැලැස්ම විස්තර කරන ලද අතින් ලියන ලද සටහනක්, සොරකම් කරන ලද ක්රිකට් පිත්ත සහ වරද සිදු වූ අවස්ථාවේ විත්තිකරු ඇඳ සිටි ඇඳුම් ද සොයා ගැනීමට විමර්ශනය සිදුකරන පොලිස් නිලධාරීන්ට හැකිව තිබෙනවා.
