වයස අවුරුදු 15 යි මාස 02 ක් වන බාලවයස්කාර දැරිවියක් ව මව්පිය භාරකාරත්වයෙන් තොරව පැහැරගෙන ගොස් ඇය සමග අඹුසැමි ඇසුරක් පැවැත්වූ බව කියන පුද්ගලයෙකු අත් අඩංගුවට ගැනීමට විමර්ශන ආරම්භ කර ඇති බව මාරවිල පොලිසිය පවසනවා.
දසත ප්රාදේශීය වාර්තාකරු පැවසුවේ මෙම බාලවයස්කාර දැරිවිය ලිංගික අඩත්තේට්ටමට ලක් ව ඇති බවත් ඇයගේ මව විදෙස්ගත ව සිටින බවයි.
පියා ද දුර බැහැර ප්රදේශයක රැකියාවක් කරන අතර ඔහු ද මාසයකට වරක් පමණක් නිවසට පැමිණීම හේතුවෙන් දැරිය මිත්තණිය භාරයේ ජීවත් ව තිබෙනවා.
මෙම දැරිය පාසල් ද නොයන බවයි වාර්තාකරු පැවසුවේ.
කෙසේවෙතත් දැරිවිය සැකකාර පුද්ගලයා සමග ප්රේම සබඳතාවක් පවත්වාගෙන ගොස් ඇති අතර මිත්තණියගෙන් හා සීයාගෙන් අවසර ලබාගෙන සැකකරු දැරිවිය ව මුණගැසීමට නිවසට පැමිණ තිබෙනවා.
ඉකුත් ජුනි මාසයේ ඉරිදා දිනක සැකකරු දැරියගේ නිවසට පැමිණ ඇති අතර එහිදී ඇයට අසැබි වීඩියෝ දර්ශන පෙන්වා ඊට පොළඹවාගෙන ඇති බවත් වාර්තා වනවා.
ඒ දැරිවියගේ ද කැමැත්ත මත බවයි අප ප්රාදේශීය වාර්තාකරු පැවසුවේ.
කෙසේවෙතත් මෙම සිදුවීම සම්බන්ධයෙන් මිත්තණිය විසින් දැරිවිය යළි නිවසට කැඳවාගෙන පැමිණ මාරවිල පොලිසියට පැමිණිල්ලක් ද සිදු කර තිබෙනවා.
දැරිවිය පවසා ඇත්තේ එක් දිනක් තමන් සැකකරු සමග අඹු සැමි සබඳතා සමගින් ජීවත් වූ බවයි.
දැරිවිය වෛද්ය පරීක්ෂණයක් සඳහා මිත්තණියගේ භාරකාරත්වය යටතේ මාරවිල මූලික රෝහලට ඇතුළත් කර තිබෙනවා.
සැකකරු අත්අඩංගුවට ගැනීමට මාරවිල පොලීසිය විමර්ශන ආරම්භ කර තිබෙනවා.
