අකුරැස්ස – පානදුගම ප්රදේශයේ පාළු නිවසකට බලහත්කාරයෙන් රැගෙන ගොස් 11 හැවිරිදි බාලවයස්කාර පිරිමි දරුවෙකුට බරපතළ අකටයුතුකමක් සිදු කළ පුද්ගලයෙකු සැකපිට අත්අඩංගුවට ගෙන තිබෙනවා.
අකුරැස්ස පොලිසිය පැවසුවේ මෙලෙස අත්අඩංගුවට ගෙන ඇත්තේ හමුදා සෙබළෙකු බව කියන පුද්ගලයෙකු බවයි.
මෙම සැකකරු 21 හැවිරිදි අයෙකු බවත් හෙතෙම හමුදා කඳවුරේ ක්රීඩා කටයුතු සඳහා එම ප්රදේශයට පැමිණ ඇති බවට හෙළි ව තිබෙනවා.
එම අවස්ථාවේදී මෙම අපරාධය සිදු කර ඇති බවයි වාර්තා වන්නේ.
මෙම බාලවයස්කාර දරුවා අකුරැස්සේ ප්රධාන පාසලක 06 වසරේ අධ්යාපනය ලබන අයෙක් බවත්, ඉකුත් 29 වැනිදා පානදුගම නිවසේ සිට අකුරැස්ස – පිටබැද්දර මාර්ගයේ ගොඩපිටිය බෝධිය අසල සිදු වූ රථවාහන අනතුරක් දැක බලා ගැනීමට මවගෙන් අවසරගෙන සිය පාපැදියෙන් ගොස් සිටියදී මෙම අවාසනාවන්ත ඉරණමට මුහුණ දී තිබෙනවා.
මීට අවුරුදු දෙකකට පෙර යුද හමුදා සේවයට එක් වූ බවට ග්රාම නිලධාරිවරයා තහවුරු කළ ද, මොහු යුද හමුදා සක්රීය සේවයේ සිටිනා බවට තහවුරු ලේඛන ඉදිරිපත් නොකිරීම නිසා යුද හමුදාවේ කුමන තනතුරක සිටිනා අයකු දැයි සොයා පොලිස් විමර්ශන ක්රියාත්මකයි.
දරුවාගේ ගුද මාර්ගයේ දැඩි ලෙස රුධිරය වහනය වීම හේතුවෙන් ඔහු ව මාතර මහ රෝහලට ඇතුළත් කොට ශල්යකර්මයකට ද භාජනය කර තිබෙනවා.
සැකකරු නීතිඥයකු මාර්ගයෙන් පොලීසියට ඉදිරිපත් වීමෙන් අනතුරුව අද මාතර මහේස්ත්රාත් අධිකරණය නියෝග කළේ සැකකරුව අප්රේල් මස 10 තෙක් සිරගත කරන ලෙසටයි.
