හැකි පළමු අවස්ථාවේ දී ම ඉන්දියාවේ සංචාරයක නිරත වන ලෙස අග්රාමාත්ය නරේන්ද්ර මෝදි එක්සත් රාජධානියේ අගමැති ධුරයට තේරී පත් වූ ශ්රීමත් කේයර් ස්ටාර්මර් හට ඇරයුම් කර තිබෙනවා.
අග්රාමාත්ය කාර්යාලය නිවේදනය කළේ; නව ධුරයට පත් ස්ටාමර් හට සුබ පැතීමට මෝදි දුරකතන ඇමතුමක් ලබා දුන් බවයි.
ඉන්දියාව සහ එක්සත් රාජධානිය අතර නිදහස් වෙළෙඳ ගිවිසුම (FTA) ඉක්මනින් අවසන් කිරීමට කටයුතු කිරීමට නායකයින් දෙදෙනා එකඟ වී තිබෙනවා.
නායකයින් දෙදෙනාම දෙරට අතර ඓතිහාසික සබඳතා සිහිපත් කළ අතර ඉන්දියාව සහ එක්සත් රාජධානිය අතර විස්තීර්ණ උපායමාර්ගික හවුල්කාරිත්වය තවදුරටත් පුළුල් කිරීමට සහ ඉදිරියට ගෙන යාමට ඔවුන්ගේ කැපවීම යළිත් තහවුරු කළ බව අග්රාමාත්ය කාර්යාලය නිකුත් කළ නිවේදනයේ සඳහන්.
එක්සත් රාජධානියේ සමාජ, ආර්ථික සහ දේශපාලන සංවර්ධනය සඳහා ඉන්දියානු ප්රජාවේ ධනාත්මක දායකත්වය අගය කළ දෙපාර්ශ්වය ම ජනතාව අතර සමීප සබඳතා තවදුරටත් ප්රවර්ධනය කිරීමට එකඟ වුණා.
ආර්ථික සබඳතා ගැඹුරු කිරීමට දෙරට කැපවී සිටින බව ද අගමැති මෝදි පවසා තිබෙනවා.
