2005 වසරේ සැප්තැම්බර් මස 04 දින පුද්ගලයෙකු පැහැර ගෙන ගොස් ඔහු සතුව ඇති රන් භාණ්ඩ මංකොල්ලකෑමේ අරමුණෙන් බලපිටිය මාදුව දූපතට සම්බන්ධවන මාදුව පාලම අසලදී ඔහුගේ ගෙළ කපා ඝාතනය කළ බවට චෝදනා එල්ල වී සිටි විත්තිකරුවන් දෙදෙනෙකුට මරණ දඬුවම නියම කර තිබෙනවා.
බලපිටිය මහාධිකරණයේ දීර්ඝ කාලයක් පැවති නඩු විභාගයකින් අනතුරුව ඊයේ (20) මහාධිකරණණ විනිසුරු ප්රියන්ත ලියනගේ මහතා විසින් මෙම දඬුවම් නියම කළා.
අම්බලන්ගොඩ, තල්ගස්ගොඩ ප්රදේශයේ පදිංචිව සිටි පොරවගමගේ මනෝජ් චම්පික කුමා යන අයව තියුණු ආයුධයකින් ගෙළ කපා ඝාතනය කිරීම සම්බන්ධයෙන් මෙලෙස දඬුවම් නියම කෙරුනේ බලපිටියම, මිගෙට්ටුවත්ත ප්රදේශයේ පදිංචි 37 හැවිරිදි විජයමුනි දර්ශන දිනේෂ්ද සිල්වා සහ බලපිටිය මහා වීදියේ පදිංචි 41 හැවිරිදි ලත්තුවාහන්දි රංග ප්රදීප් ද සිල්වා නැමැති විත්තිකරුවන් දෙදෙනාටයි.
නඩු තීන්දුවෙන් අනතුරුව චූදිතයින් දෙදෙනා වැලිකඩ බන්ධනාගාරය වෙත රැගෙන යාමට කටයුතු කර තිබුණා.
