බන්ධනාගාරයට පුද්ගලයින් යොමුවීම අඩු කිරීම අරමුණ විය යුතු බව අධිකරණ සහ ජාතික ඒකාබද්ධතා අමාත්ය නීතිඥ, හර්ෂණ නානායක්කාර පවසනවා.
අමාත්යවරයා මෙම අදහස් පළ කළේ කොළඹ 08, සර්වෝදය සංවර්ධන මුල්ය ආයතන නගරෝදය ශ්රවණාගාරයේ පැවති 27 වන ජාතික සිරකරු දින උත්සවයේ ප්රධාන ආරාධිත අමුත්තා වශයෙන් සහභාගිවෙමින්.
බන්ධනාගාරගත රැඳවියන් වෙනුවෙන් පහසුකම් සපයමින් සිරකරුවන් වෙනුවෙන් සිරකරු සුභ සාධක සංගමය විසින් සිදු කරනු ලබන සේවය ප්රශංසනීය බවයි අමාත්යවරයා මෙහිදී සඳහන් කළේ.
අද වන විට බන්ධනාගාර තුළ සිරකරුවන්ගේ විශාල තදබදයක් වී තිබෙන බව අමාත්යවරයා එම තදබදය අඩු කරමින් අවශ්ය පහසුකම් සැපයීම වගකීමක් බව පැවසුවා.
දුප්පත්කම හේතුවෙන් බන්ධනාගාරගත වන සංඛ්යාව වැඩි වී ඇති බව සඳහන් කළ ඔහු, වත්මන් රජයේ අරමුණ රටේ සමාජ සාධාරණත්වය තුළින් ආර්ථික දියුණුව ඇති කිරීමෙන් බන්ධනාගාරගත වන සංඛ්යාව අඩු කිරීම බවයි සඳහන් කර සිටියේ.
බන්ධනාගාරගත වන සියලු දෙනාගේ මානව අයිතිවාසිකම් ආරක්ෂා වන පරිදි පහසුකම් ඇති කිරීම අතිශයින්ම වැදගත් බව පේනවා දුන් ඔහු, නීතිය ඉදිරියේ සියලු දෙනාම එක හා සමාන බවයි පැවසුවේ.
රජයක් ලෙස නීතියේ විධානයේ ආධිපත්යය ආරක්ෂා කරමින් සමානාත්මතාවය යුතු රටක් නිර්මාණය කරන බවද අමාත්යවරයා මෙහිදී වැඩිදුරටත් සඳහන් කර සිටියේ.
