බංග්ලාදේශයට එරෙහි පළමු එක්දින තරගය අද පස්වරුවේ

සංචාරක බංග්ලාදේශයට එරෙහිව පැවැත්වෙන තරග තුනකින් සමන්විත එක්දින තරගාවලියේ පළමු තරගය අද (02) ආරම්භ වීමට නියමිතයි.

ඒ පස්වරු 02.30ට කොළඹ ආර්. ප්‍රේමදාස ක්‍රීඩාංගණයේ දීයි.

බංග්ලාදේශ කණ්ඩායමේ නායකත්වය මෙහිඩි හසන් පත් කර තිබෙනවා.

චරිත් අසලංක විසින් ශ්‍රී ලංකා කණ්ඩායම මෙහෙයවනු ඇති.

දෙරට අතර පසුගියදා නිමාවට පත් වූ තරග දෙකකින් සමන්විත ටෙස්ට් තරගාවලියේ ද තරග 1-0ක් ලෙස ජය හිමිවූයේ සත්කාරක ශ්‍රී ලංකා කණ්ඩායමටයි.

ශ්‍රී ලංකාව හා බංග්ලාදේශය අතර මේ වන තෙක් එක්දින තරග 57ක් පවත්වා තිබෙනවා.

ඉන් වැඩි ම ජයග්‍රහණ ප්‍රමාණයක් හිමිකරගෙන ඇත්තේ ශ්‍රී ලංකාවයි.

තරග 43ක් ම ශ්‍රී ලංකාව ජයගෙන ඇති අතර බංග්ලාදේශය ඉන් තරග 12ක් පමණක් ජයගෙන තිබෙනවා.

එමෙන්ම සිය මව්බිමේ දී ශ්‍රී ලංකාව බංග්ලාදේශයට එරෙහිව ජයගෙන ඇති එක්දින තරග සංඛ්‍යාව 20ක්.