2023 -2025 ලෝක ටෙස්ට් ශූරතා තරගාවලියට සමගාමීව පැවැත්වෙන ඉන්දියාවට එරෙහිව පැවැත්වෙන බංග්ලාදේශ ටෙස්ට් තරගාවලියේ සිය පළමු ඉනිම ලකුණු 149කට සීමා කරගැනීමට සංචාරක බංගලීන්ට ඊයේ (20) සිදු වුණා.
මෙම තරගය දෙරට අතර පෙරේදා (19) දිනයේ දී ආරම්භ වූයේ චෙන්නායි නුවර දීයි.
බංග්ලාදේශ නායක ෂැන්ටෝ කාසියේ වාසිය දිනා පළමු ව සිය ප්‍රතිවාදීන්ට පළමු ඉනිම පිතිකරණයෙන් ඇරඹීමට ඇරයුම් කළා.
ඒ අනුඅ පිටියට පිවිසි ඉන්දීය කණ්ඩායම සියල්ලන් දැවී සිය පළමු ඉනිමට ලබාගත් ලකුණු සංඛ්‍යාව ලකුණු 376ක්.
එහිදී රවිචන්ද්‍රන් අශ්වින්ගෙන් විශිෂ්ට ශතකයක් (113) වාර්තා වූ අතර රවීන්ද්‍ර ජඩේජා ලකුණු 86ක් ලබාගත්තා.
කඩුලු බිඳ දැමීමේ දී බංග්ලාදේශ පන්දු බලඇණිය වෙනුවෙන් හසාන් මහ්මුද් කඩුලු 05ක්, ටස්කින් අහමඩ් කඩුලු 03ක් සහ එක් කඩුල්ල බැගින් නහිඩ් රනා හා මෙහිඩි විසින් බිඳ දමනු ලැබුවා.
පිළිතුරු ඉනිම සිය පළමු ඉනිමට පිතිකරණය ඇරඹි බංග්ලාදේශ කණ්ඩායම ඉන්දීය වේග පන්දු බලඇණිය යටතේ දැඩි ලෙස අසරණ වුණා.
ජස්ප්‍රිට් බුම්‍රා විසින් බංග්ලාදේශයේ කඩුලු 04ක් සුනුවිසුණු කළ අතර කඩුලු 02ක බැගින් මොහොමඩ් සිරාජ්, ආකාෂ් දීප් සහ ජඩේජා විසින් බිඳ දමනු ලැබුවා.
ඒ අනුව තරගයේ තෙවැනි දිනය වන අද (21) දිනය වන විට ඉන්දීය කණ්ඩායම සිය දෙවැනි ඉනිමේ පිතිකරණය අරඹා ඇත්තේ පළමු ඉනිමෙන් ද බංග්ලාදේශයට වඩා 310ක් ඉදිරියෙන් සිටිමින්.
දෙවැනි දිනයට තරගය ඊයේ නිමා කරන විට ඉන්දීය කණ්ඩායම කඩුලු 03ක් දැවී ලකුණු 83ක් ලබා සිටියා.
