වරදක් සම්බන්ධයෙන් නීතිය ක්රියාත්මක කිරීමට යාමේදී පොලිස් නිලධාරීන්ගේ රාජකාරියට බාධා කරමින් කළහකාරී ලෙස හැසිරුණු සිද්ධියක් සම්බන්ධව අත්අඩංගුවට ගැනුණු කාන්තාව යළි රක්ෂිත බන්ධනාගාර ගතකර තිබෙනවා.
සැකකාර කාන්තාව අද (03) ගම්පහ මහේස්ත්රාත් අධිකරණයට ඉදිරිපත් කිරීමෙන් පසු මහේස්ත්රාත්වරයා නියෝග කළේ සැකකාරියව ලබන 10 වනදා දක්වා රක්ෂිත බන්ධනාගාර ගත කරන ලෙසයි.
මෙලෙස රක්ෂිත බන්ධනාගාරගත කර ඇත්තේ දෙමටගොඩ ප්රදේශයේ පදිංචි 46 හැවිරිදි තැනැත්තියක්.
පසුගිය 31 වනදා ගම්පහ පොලිස් වසමේ කොටුගොඩ – උඩුගම්පොළ මාර්ගයේ මෝටර් රථයක් පදවාගෙන පැමිණි කාන්තාවක් රථවාහන වරදක් සම්බන්ධයෙන් නැවැත්වීමට සංඥා කිරීමේදී, මෝටර් රථය නොනවත්වා ධාවනය කර ඇති අතර, පසුව රථ වාහන නිලධාරීන් විසින් එම රථය පසුපස හඹා ගොස් උඩුගම්පොල ප්රදේශයේ දී නවත්වා පරීක්ෂා කරන අවස්ථාවේ දී මෙලෙස රාජකාරියට බාධා කරමින් ඇය හැසිරී තිබෙනවා.
එහිදී ඇය පොලිසියේ ජ්යෙෂ්ඨ නියෝජ්ය පොලිස්පතිවරයකුගේ නම සඳහන් කරමින් සහ එම කාන්තාව අදාළ ජ්යෙෂ්ඨ නියෝජ්ය පොලිස්පතිවරයාගේ නැගණිය බව පවසමින් පොලිස් රාජකාරියට බාධා කරමින් හැසිරන වීඩියෝවක් ද සමාජ මාධ්ය ඔස්සේ සංසරණය වුණා.
කෙසේ වෙතත් පොලිසියේ ජ්යෙෂ්ඨ නියෝජ්ය පොලිස්පතිවරයෙකුගේ නැගණිය ලෙස සිදුකරන ප්රකාශය සම්පූර්ණයෙන් අසත්යයක් බවයි පොලිසිය පසුව සඳහන් කළේ.
wpDiscuz
