මේ වනවිටත් පොලිස් නිලධාරීන් 25 දෙනෙක් මිහින්තලා පුදබිමේ රාජකාරී සඳහා යොදවා ඇති බව පොලිසිය පවසනවා.
මාධ්ය හමුවක් පවත්වමින් පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව අද (11) මේ බව සඳහන් කළා.
පොලිස් නිලධාරීන් මිහින්තලා පුදබිමෙන් ඉවත්කර ගන්න බවට කිසිඳු ආකාරයේ තීරණයක් ගෙන නොතිබූ බව ද ඔහු මෙහිදී අවධාරණය කර සිටියා.
මේ අතර මිහින්තලා පුදබිමේ සිටි හමුදා නිලධාරීන් ඉවත් කිරීම තුළින් පුදබිමේ ආරක්ෂාවට කිසිඳු ආකාරයේ තර්ජනයක් නොමැති බව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් අද (11) පාර්ලිමේන්තුවේ දී සඳහන් කළා.
එමෙන්ම එම පුදබිමේ සංවර්ධන කටයුතු සිදුකරමින් සිටි හමුදා නිලධාරීන් ඉවත් කර ඇති බැවින් එහි සංවර්ධන කටයුතු ඇනහිටී ඇති බව පාර්ලිමේන්තු මන්ත්රී රොෂාන් රණසිංහ අද පාර්ලිමේන්තුවේ දී පැවසුවා.
මිහින්තලේ පූජා භූමියේ සංවර්ධන හා ඉදිකිරීම් කටයුතු සදහා යොදවා සිටි ආරක්ෂක අංශ සාමාජිකයන් 250 කට අධික පිරිසක් අදාළ කටයුතු වලින් වහාම ඉවත් කිරීමට රජය තීරණය කළා.
ඒ, බව ආරක්ෂක රාජ්ය අමාත්ය ප්රමිත බණ්ඩාර තෙන්නකොන් ඊයේ (11) පාර්ලිමේන්තුවට දැනුම් දුන්නා.
කෙසේ වෙතත්, මිහින්තලේ විහාරාධිපති පූජ්ය වලවාහැංගුණ වැවේ ධම්මරතන හිමියන් පසුගිය සිකුරාදා ආන්දෝලනාත්මක ප්රකාශයක් සිදුකළේ, තමාව ඝාතනය කිරීම සදහා කිසිවෙකුත් නොදන්නා ආරක්ෂක අංශ සාමාජිකයන් දෙදෙනෙකු යොදා සිටිය දී ආරක්ෂක අංශ වෙත හසුව ඇති බවයි.
