වර්තමාන පොලිස්පති චන්දන වික්රමරත්නට එක් දිනකට හෝ සේවා දිගුවක් ලබා නොදෙන ලෙසට ආණ්ඩු පක්ෂ මන්ත්රීවරුන් ජනාධිපතිවරයාට තදින්ම ප්රකාශ කර ඇති බව වාර්තා වනවා.
ඊයේ පැවත්වුණු ආණ්ඩු පක්ෂ රැස්වීමේ දී ආණ්ඩු පක්ෂ මන්ත්රීවරුන් මේ බව ජනාධිපතිවරයාට පවසා ඇති බවයි වාර්තා වුණේ.
2022 මැයි 09 සිදුවූ කලහකාරී තත්ත්වය මර්ධනය කිරීමට කිසිදු පියවරක් පොලිස්පති චන්දන වික්රමරත්න නොගැනීම සම්බන්ධයෙන් මන්ත්රීවරු මෙහිදී චෝදනා කර තිබෙනවා.
එමෙන්ම වසන්ත කරන්නාගොඩ, දයා රත්නායක සහ රොෂාන් ගුණතිලක කමිටු වාර්තාවෙන් ද පොලිස්පතිවරයා 2022 මැයි 09 වනදා ඇති වූ සිද්ධීන් මැඩ පැවත්වීමට උත්සහ නොගත් බවත් පොලිස්පතිවරයා ලෙස රාජකාරී පැහැර ඇති බවටත් නිර්දේශ ලබාදී ඇති බවයි මන්ත්රීවරුන් පෙන්වා දී ඇත්තේ.
මෙවන් නිර්දේශ ලබා දී තිබිය දී කෙසේවත් සේවා දිගුවක් ලබා දිය නොහැකි බව ආණ්ඩු පක්ෂ අමාත්යවරුන් හා මන්ත්රීවරුන් ජනාධිපතිවරයාට පෙන්වා දී ඇති බව සඳහන්.
පොලිස්පති ධුරය සදහා නිර්දේශ වී ඇති දේශබන්දු තෙන්න්කෝන් ට නඩු හා චෝදනා ගොනු වී ඇත්තේ ආණ්ඩුව ආරක්ෂාකිරීමට යාම හා කලහකාරී පිරිස් නීතිය අතට ගෙන ක්රියාකිරීමේදී ඔවුන් මර්ධනය කිරීමට ගොස් නිසා බවත් මන්ත්රීවරුන් මෙහිදී පෙන්වා දී ඇති බවයි වාර්තා වුණේ.
තවද ආණ්ඩුව හා නීතිය ආරක්ෂා කිරීමට ගිය දේශබන්ධු තෙන්නකෝන් හට පොලිස්පතිධුරය නොදුනහොත් කිසිඳු රාජ්ය සේවකයකු ආණ්ඩුව රැකගැනීමට ඉදිරිපත් නොවනු ඇති බවත්, ඒ ආණ්ඩුව රැක ගන්නා රාජ්ය සේවකයින්ව ආණ්ඩුව බලානොගන්නා බවට වැරදි මතයක් ඔවුන් අතරට යා හැකි බවත් මන්ත්රීවරුන් පිරිසක් ජනාධිපතිවරයාට, අග්රාමාත්යවරයාට සහ මහින්ද රාජපක්ෂ හිටපු ජනාධිපතිවරයාට පෙන්වා දී තිබෙනවා.
ප්රසන්න රණතුංග, රමේෂ් පතිරණ, මහින්දානන්ද අළුත්ගමගේ ,චින්තක මායාදුන්නේ, සනත් නිශාන්ත, සහන් ප්රදීප්, සංජීව එදිරිමාන්න මධුර විතානගේ ඇතුළු මන්ත්රීවරුන් පිරිසක් පොලිස්පති චන්දන වික්රමරත්නට සේවා දිගුවක් ලබාදීමට මෙලෙස විරෝධතාව එල්ලකර ඇති බවයි වාර්තා වන්නේ.
wpDiscuz
