කහතුඩුව පොල්ගස්ඕවිට හන්දියේ දී පෞද්ගලික බස් රථයක් සහ සුඛෝපභෝගී වෑන් රථයක් එකිනෙක ගැටීමෙන් සිදු වූ අනතුරකින් වෑන් රථයේ රියදුරා ජිවිතක්ෂයට පත්වී තිබෙනවා.
පාසල් සිසුවියක ඇතුළු හය දෙනෙකු තුවාල ලබා රෝහල් ගත කර ඇති බවයි පොලිසිය සඳහන් කළේ.
අද දහවල් සිදුවූ මෙම අනතුරක් සමඟම බස් රථයේ රියදුරු සහ කොන්දොස්තරවරයා එම ස්ථානයෙන් පලාගොස් කහතුඩුව පොලිසිය වෙත භාරවී තිබෙනවා.
අනතුරින් තුවාල ලබා ඇත්තේ වෑන් රථයේ ගමන් ගත් පුද්ගලයෙකු ඇතුලුව බස් රථයේ ගමන් ගත් පිරිසක්.
මත්තේගොඩ ප්රදේශයේ සිට පැමිණ හොරණ කොළඹ 120 මාර්ගයට යොමු කර තිබූ වෑන් රථය කොළඹ දෙසට හැරවීමට සූදානම් වීමේ දී කැස්බෑව දෙස සිට කොළඹ දෙසට ගමන් ගත් පෞද්ගලික බස් රථය ගැටී මෙම අනතුර සිදු වී ඇති බව සඳහන්.
අනතුරක් සමඟම එම ස්ථානයට රැස් වූ ප්රදේශවාසීන් තුවාල ලබා වෑන් රථය සිර වී සිටි රියදුරා සහ අනෙක් පුද්ගලයා දැඩි වෙහෙසක් දරා පිටතට ගෙන වෑතර රෝහල වෙත යොමු කර තිබුණා.
රියැදුරා වැඩිදුර ප්රතිකාර සඳහා කලුබෝවිල ශික්ෂණ රෝහල වෙත ඇතුලත් කිරීමෙන් අනතුරුවයි ජිවිතක්ෂයට පත්වී ඇත්තේ.
කහතුඩුව පොලිසිය අනතුර සම්බන්ධයෙන් පරීක්ෂණ සිදු කරනවා.
