දෙස්- විදෙස් රැකියා වෙළඳපොළ ඉලක්ක කර ගනිමින් පෑස්සුම් ශිල්පී රැකියා වෘත්තීය පුහුණුව ලබාගත් සිසුන් පිරිසක් වෙත සහතික පත් ප්‍රදානය කිරීම ශ්‍රී ලංකා නිදහස් පක්ෂ මහ ලේකම් පාර්ලිමේන්තු මන්ත්‍රී දුමින්ද දිසානායකගේ සහභාගීත්වයෙන් සිදු කෙරුණා.
අප ප්‍රාදේශීය වාර්තාකරු පැවසුවේ මෙම සහතික පත්‍ර ප්‍රදානෝත්සවය අනුරාධපුර – මිහින්තලය, රජරට විශ්වවිද්‍යාලය ඉදිරිපිට පිහිටි, එම්.ඩබ්ලිව්.එස් ටෙක්නිකල් ඉංජිනියරින්ස් ආයතනයේ දී සිදු කෙරුණු බවයි.
එහිදී වෙල්ඩින් පුහුණුව ලැබූ 15 දෙනෙකු වෙත සහතික පත්‍ර ප්‍රදානය කිරීම සිදු කෙරුණා.
මෙම ආයතනයේ දී පෑස්සුම් ශිල්පීන් සඳහා නවීන තාක්ෂණය උපයෝගී කර ගනිමින් වෘත්තීය පුහුණුව ලබා දී ඔවුන් දෙස් විදෙස් රැකියා සඳහා යොමු කිරීම සිදු කරනු ලබනවා.
පෑස්සුම් ශිල්පය පිළිබඳ මූලික දැනුම ඇති හෝ ආධුනික පිරිස් සඳහා පෑස්සුම් ශිල්පි පාඨමාලා මගින් ප්‍රායෝගික ව හා න්‍යායාත්මක ව දැනුම ලබා දී දකුණු කොරියාව ඇතුළු විදෙස් රටවල හා දේශීය ව පවතින පෑස්සුම් ශිල්පි පුරප්පාඩු සඳහා යොමු කිරීම මෙම ආයතනය මගින් සිදු කෙරෙන ප්‍රධානතම සේවයයි.
මෙම පෑස්සුම් ශිල්පීන් පුහුණුව ලබන ආකාරය ද දුමින්ද දිසානායක මහතාගේ නිරීක්ෂණයට ලක් වුණා.
