2030 වසර වන විට මෙරට සමස්ත විදුලිබල උත්පාදන අවශ්යතාවයෙන් 70% පුනර්ජනනීය බලශක්තින් මගින් සපුරාගැනීමේ රජයේ වැඩපිළිවෙළට නැගෙනහිර පළාත සූදානම් කිරීම සඳහා සහ නව ඉන්ධන පිරිපහදුවක් සමඟ නිර්මාණය වන ත්රිකුණාමලය සංවර්ධන සැලසුම පිළිබඳ විශේෂ සාකච්ඡාවක් පවත්වා තිබෙනවා.
බලශක්ති අමාත්යාංශ ශ්රවණාගාරයේ දී එම සාකච්ඡාව සිදු කෙරුණේ විදුලිබල හා බලශක්ති අමාත්ය කංචන විජේසේකරගේ ප්රධානත්වයෙන්.
නැගෙනහිර පළාත් ආණ්ඩුකාරවරයා, පළාත් ලේකම්වරයා සහ දිස්ත්රික් ලේකම්වරුන් සමඟ මෙම සාකච්ඡාව සඳහා අමාත්යාංශ ලේකම්වරයා මෙන්ම විදුලිබල මණ්ඩලයේ නිලධාරීන් ද එක්ව සිටියා.
නැගෙනහිර පළාතට සැලසුම් කර ඇති පුනර්ජනනීය බලශක්ති ව්යාපෘතිවල වත්මන් ප්රගතිය සහ ඒවා කඩිනම් කිරීමට අවශ්ය කටයුතු, ඒ සඳහා වන ඉඩම් අවසරයන් සහ අනෙකුත් යටිතල පහසුකම් ලබා දීම සහ නව ආයෝජකයන් මෙම ව්යාපෘති සඳහා ආකර්ෂණය කරගැනීම පිළිබඳ මෙහිදී සාකච්ඡා කර තිබෙනවා.
මෙම ව්යාපෘති කඩිනමින් කිරීම සඳහා නැගෙනහිර පළාත වෙනුවෙන්ම විදුලිබල මණ්ඩලයේ විශේෂ නියෝජිතයන් පත් කිරීමටයි යෝජනා වූයේ.
ත්රිකුණාමලය, බලශක්ති කේන්ද්රස්ථානය බවට පත්කිරීමේ රජයේ වැඩසටහන පිළිබඳව සහ එමගින් විවෘත වන නව බලශක්ති සහ විදුලිබල වැඩසටහන් පිළිබඳව ආණ්ඩුකාරවරයා සමඟ දීර්ඝ වශයෙන් අදහස් හුවමාරු වී තිබෙනවා.
