ලිඳුල ප්‍රදේශයේ සිදුවූ අනතුරින් දිවි ගමන නිමා කළ ප්‍රවීණ රංගන ශිල්පිනි හයිසින්ත් විජේරත්න මහත්මියගේ දේහය පිළිබඳ අවසන් කටයුතු අගෝස්තු 04 දින (හෙට) සවස 4.00ට වත්තල මාබෝල පල්ලිය සුසාන භූමියේදී සිදු කිරීමට නියමිතයි.
ඒ අනුව අංක 25/10 කට්ටියවත්ත පාර, මාබෝල ලිපිනය සඳහන් නිවසේ අද උදෑසන 8.00 සිට දේහයට අවසන් ගෞරවය දැක්වීම කළ හැකි යි.
පසුගිය 30 වැනිදා රාත්‍රියේ ලිඳුල ප්‍රදේශයේදී ඇය ගමන් ගත් වාහනය ප්‍රපාතයකට පෙරළී ගියේ නුවරඑළියේ රූපගත කිරීමකට සහභාගි වී නැවත නිවෙස බලා පැමිණෙමින් සිටියදී යි.
කලා ලෝකයේ කා සමගත් සුහදශීලී එමෙන්ම හෘදයාංගම ඇසුරක් පැවැත්වූ හයිසින්ත් විජේරත්න මහත්මිය ඉතා විනයගරුක යහපත් කාන්තාවක් ලෙසින්ද නමක් දිනා තිබෙනවා.
අපේ රෝස පාට රෝස මල
නිවන් සුව ලැබේවා…..covid තත්ත්වය නිසා ගොඩක් අයට එන්න බැරි බව දන්න නිසයි, මේ ජායාරූපය පළ කරන්නෙ. හයසින්ත් ආන්ටිට ආදරය කරන හැමෝම වෙනුවෙන්..!
සමන් ප්‍රියංකර නම්මුනිගේ
