පුංචි ඡන්දයේ නාමයෝජනා භාරගැනීම අද ඇරඹෙයි

එළඹන පළාත් පාලන මැතිවරණයේ නාමයෝජනා භාරගැනීම අදින් ආරම්භ වනවා.

ඒ, අනුව එම කටයුතු උදෑසන 8.30 සිට පස්වරු 4.15 දක්වා සිදුවන බවයි මැතිවරණ කොමිෂන් සභාව දැනුම් දුන්නේ.

දිස්ත්‍රික් ලේකම් කාර්යාවල දී නාම යෝජනා භාර ගැනීම සිදුවන්නේ, තේරීම් භාර නිලධාරීන්ගේ මූලිකත්වයෙන්.

මේ අතර අද (17) ආරම්භවන සාමාන්‍ය පෙළ විභාගයට බාධා සිදුනොවන ආකාරයෙන් මැතිවරණ නාම යෝජනා භාරදීමේ කටයුතු කරන ලෙසට දේශපාලන පක්ෂ සහ කණ්ඩායම්වලට දැනුම් දෙනවා.

එමෙන්ම 2025 පළාත් පාලන මැතිවරණයේ තැපැල් ඡන්ද අයැදුම්පත් භාරගැනීම අද (17) මධ්‍යම රාත්‍රියෙන් අවසන් වන අතර, සුදුසුකම් ලබා ඇති අයදුම්කරුවන්ගේ සම්පූර්ණ කරන ලද තැපැල් ඡන්ද අයදුම්පත්, තැපෑලට භාරනොදී ඒවා අද (17) මධ්‍යම රාත්‍රී 12.00ට පෙර ස්වකීය ආයතනය පිහිටි දිස්ත්‍රික් මැතිවරණ කාර්යාලය වෙත අතින් ගෙනැවිත් භාරදෙන ලෙසයි මැතිවරණ කොමිසම දැනුම් දෙන්නේ.

මේ අතර පළාත් පාලන මැතිවරණය පවත්වන දිනය ලබන 20 වනදා ප්‍රකාශයට පත් කිරීමට නියමිතයි.