දිඹුල පතන, මේෆිල්ඩ් වතුයායේ 12හැවිරිදි බාල වයස්කාර පාසල් සිසුවියක් අපයෝජනය කලේ යැයි කියන සිද්ධියකට සම්බන්ධ සැකකරුවන් දෙදෙනෙකු සහ ඔහුගේ පවුලේ සමාජිකයන් වතුයායෙන් ඉවත් කරන ලෙස වතු පාලන අධිකාරියට බල කරමින් අද(12) දින එම වතුයායේ වතු කම්කරුවන් පිරිසක් විරෝධතාවයක නිරතව සිටියා.
සිද්ධිය සම්බන්ධයෙන් දිඹුල පතන පොලිසිය විසින් සැකපිට අත්අඩංගුවට ගෙන හැටන් මහෙස්ත්රාත් අධිකරණය වෙත ඉදිරිපත් කර රක්ෂිත බන්ධනාගාර ගත කර ඇති අවු 65ක සහ අවු 40ක් වයසැති එම වතුයායේ පදිංචි සැකකරුවන් දෙදෙනො සහ ඔහුගේ පවුලේ සමාජිකයන් එම වතුයායෙන් ඉවත් කරන ලෙසටයි විරෝධතාවයේ නියැලි සිටි වතු කම්කරුවන් කියා සිටියේ.
65 හැවිරිදි සැකකරු අවස්ථා කිහිපයක දී බාල වයස්කාර සිසුවිය අපයෝජනය කර ඇති බවත්, ඒ සඳහා 40 හැවිරිදි සැකකරු අනුබල දී ඇති බවත් විරෝධතාවයේ නියැලි සිටි වතුකම්කරුවන් කියා සිටියා.
තේ වතු ආශ්රිතව පිහිටි වතු නිවාසවල ජිවත් වන පාසල් වයසේ පසුවන දැරියන් නිරන්තරයෙන් මෙවැනි අපයෝජනවලට භාජනය වන බවත්, මින් ඉදිරියට එවැනි සිදුවිම් වතු ආශ්රිත ප්රදේශවල සිදු නොවිමට නම් මෙම සිද්ධියට සම්බන්ධ සැකකරුවන්ට උපරිම දඩුවම් ලබාදිය යුතු බවයි විරෝධතාවයේ නියැලි සිටි මේෆිල්ඩ් වතුයායේ වතු කම්කරුවන් වැඩිදුරටත් කියා සිටියේ.
