කුකුළු මස් ඇතුළු මස් වර්ග, සහල් සහ තිරිඟු පිටි මිල ඉහළ යාම හේතුවෙන් පාකිස්ථානයේ සතිපතා උද්ධමනය සියයට 1.09 කින් ඉහළ ගොස් ඇති බව ජියෝ ටීවී වාර්තා කරනවා.
පාකිස්ථානය සංඛ්යාලේඛන කාර්යාංශය විසින් සිකුරාදා නිකුත් කරන ලද සංඛ්යාලේඛනවලට අනුව, වාර්ෂික උද්ධමනය ඉහළ ගොස් ඇත්තේ 30.60% කින්.
කුකුළු මස්, කැඩුණු බාස්මතී සහල්, තිරිඟු පිටි,කෙසෙල් , ලූණු ආදී භාණ්ඩවල මිල ඉහළ ගොස් තිබුණා.
පාන්, ලුණු කුඩු ආදියේ මිල ඉහළ යාම සංවේදී මිල දර්ශකයේ වැඩිවීම සඳහා හේතු වී තිබෙනවා.
කෙසේ වෙතත් අර්තාපල් , බිත්තර, තක්කාලි මිලෙහි අඩුවීමක් දක්නට ලැබුණා.
කුකුළු මස් මිල ඉහළ යාමට සෝයා බෝංචි ආශ්රිත ආහාර හිඟයක් හේතු වී ඇති අතර තිරිඟු මිල වෙනදාට වඩා ඉහළ ගොස් තිබීම විශේෂත්වයක් බවයි විශ්ලේෂකයන් පෙන්වා දෙන්නේ.
තිරිඟු පිටි මිල ඉහළ යාම හේතු වී ඇත්තේ සින්ද් සහ පන්ජාබ් අතර මිල පරතරය හේතුවෙන් තිරිඟු මිල වෙනදාට වඩා ඉහළ යාමයි.
මේ අතර පාකිස්ථානයේ ආහාර උද්ධමනය ද සියයට 32.7කින් ඉහළ ගොස් තිබුණා.
එය පසුගිය මාසයේදී ඉහළ ගොස් ඇත්තේ පිළිවෙලින් නාගරික උද්ධමනය 32.7%කින් සහ ග්රාමීය උද්ධමනය 37.9ක් ලෙසයි.
වසරකට පෙර එම මාසයට සාපේක්ෂව දෙසැම්බර් මාසයේදී ආහාර කාණ්ඩයේ මිල ගණන් හතරෙන් එකකින් ඉහළ ගොස් තිබුණා.
