2026 පන්දුවාර විස්සයි විස්ස ලෝක කුසලාන අවසන් මහා තරගය නැරඹීමට අහමදාබාද් හි නරේන්ද්ර මෝදි ක්රීඩාංගනයට පැමිණෙන ඉන්දීය ප්රේක්ෂකයින් නිහඬ කිරීමට තමන් සහ තම කණ්ඩායම බලාපොරොත්තුවන බව නවසීලන්ත නායක මෙචෙල් සැන්ට්නර් පවසනවා.
හෙට (08) පැවැත්වෙන පන්දුවාර විස්සයි විස්ස ලෝක කුසලාන අවසන් මහා තරගයට පෙර පැවති මාධ්ය හමුවට එක්වෙමින් නවසීලන්ත නායකයා මේ බව සඳහන් කළා.
සැන්ට්නර් පැවසුවේ අවසන් තරඟය සඳහා තම කණ්ඩායම උද්යෝගිමත්ව සිටින බවත්, නරේන්ද්ර මෝදි ක්රීඩාංගනයේ පිරී ඉතිරී යන ඉන්දීය ප්රේක්ෂකයින් ඉදිරියේ විස්සයි විස්ස ලෝක ශූරතාව රඳවා ගැනීමට ඉන්දීය කණ්ඩායමට දැඩි පීඩනයක් වනු ඇති බවයි.
මේ අතර හෙට (08) පැවැත්වෙන තරගයේ දී පිතිකරණයට හිතකර කඩුල්ලක් ලැබෙනු ඇති බවට ඉහළ අපේක්ෂාවක් පවතින බවයි නවසීලන්ත නායකයා මෙහිදී වැඩිදුරටත් අදහස් දක්වමින් පැවසුවේ.
වත්මන් ලෝක ශුරයින්වන ඉන්දීය කණ්ඩායම එම ශූරතාව රැකගැනීමේ දැඩි අපේක්ෂාවෙන් හෙට දිනයේ අහමදාබාද් හි නරේන්ද්ර මෝදි ක්රීඩාංගණයට පිවිසෙන අතර, තවමත් සුදු පන්දුවේ ලෝක ශුරතාවක් ජයග්රහණය කර නොමැති නවසීලන්ත කණ්ඩායම සිය කුළුඳුල් විස්සයි විස්ස ලෝක කුසලානය ජයග්රහණය කිරීම වෙනුවෙන් හෙට තරගයට පිවිසෙනු ඇති.
