යාපනය මයිලන්කාඩු ප්රදේශයේදී ඉතා රහසිගත අයුරින් පාසල් ළමුන්ට මත් පෙති විකිණීමේ ජාවාරමක නිරත වූ පුද්ගලයින් දෙදෙනෙකු ඊයේ (24) දින අත්අඩංගුවට ගෙන තිබෙනවා.
යාපනය පොලිස් විශේෂ කාර්ය බලකායට ලැබුනු බුද්ධි තොරතුරකට අනුව මයිලන්කාඩු ප්රදේශයේ පාසලක් අසල සිදුකරන ලද සෝදිසියකදී අදාල සැකකරුවන් මත්පෙතිද සමගින් අත්අඩංගුවට ගෙන තිබෙනවා.
අදාල ජාවාරම් කරුවන් කලක සිට යාපනයේ ප්රසිද්ධ පාසල් කිහිපයකම පාසල් ළමුන්ව මෙලෙස මත්පෙති පානය සඳහා නැඹුරු කරගනිමින් මත්පෙති විකණීම සිදුකොට තිබෙන බව අනාවරණය වුණා.
අත්අඩංගුවට ගත් සැකකරුවන් මයිලන්කාඩු ප්රදේශයේ පදිංචි අවුරුදු 25 සහ 44 වයස්හි පසුවන අය වේ.
වැඩිදුර පරික්ෂණ කටයුතු චුන්නාකම් පොලීසිය විසින් සිදුකරනු ලබයි.