මාර්ගගත ක්රමය ඔස්සේ ලබාදෙන අධ්යාපන කටයුතු නවතන ලෙස පාසල් ගුරුවරුන්ට කුමන ආකාරයකින් හෝ තර්ජනය කරනු ලැබුවහොත් ඒ පිළිබඳව අපරාධ පරීක්ෂණ දෙපාර්තමේන්තුව වෙත පැමිණිලි කිරීමේ හැකියාවක් ඇති බව පොලිසිය සඳහන් කරනවා.
නිවේදනයක් නිකුත් කරමින් පොලිස් මාධ්ය ප්රකාශක කාර්යාලය සඳහන් කරන්නේ ළඟම පිහිටි පොලිස් ස්ථානයට හෝ අවශ්යනම් 119 හදිසි ඇමතුම් අංකයටද ඒ පිළිබඳව දැනුම්දිය හැකි බවයි.
මේ අතර අද (17) සජීවීව දුරකථනයෙන් එක්වූ අමාත්ය සරත් වීරසේකර මහතා, එවැනි බලපෑම් පිළිබඳව පරීක්ෂණ කරන ලෙස තමන් උපදෙස් ලබා දුන් බව සඳහන් කළා.
