අද (18) උදෑසන පාර්ලිමේන්තු මාර්ගයේ ඇති වූ මාර්ග තදබදය සම්බන්ධයෙන් පොලිසිය පැහැදිලි කිරීමක් සිදුකර තිබෙනවා.
පොලිසිය පවසන්නේ පොල්දුව මංසන්ධියේ සිට ආයුර්වේද මංසන්ධිය දක්වා අමතර මංතීරුවක් විවෘත කර උදෑසන සහ සවස් කාලයේ ඇතිවන වාහන තදබදය අවම කර ගැනීමට අවශ්‍ය කටයුතු මීට පෙර ගෙන තිබූ බවයි.
ඒ, සඳහා රථවාහන කේතු යොදාගනිමින් මාර්ගය වෙන් කිරීමේ කොන්ත්‍රාත්තුව පුද්ගලික සමාගමකට පවරා තිබූ බව පොලිසිය සඳහන් කරනවා.
එලෙස මාර්ගය වෙන් කිරීමේ කොන්ත්‍රාත්තුව ලබාගෙන තිබූ සමාගමේ කොන්ත්‍රාත් කාලය ඊයේ (17) දිනයෙන් අවසන් වී ඇති අතර, ඒ පිළිබඳව පොලිසිය පෙර දැනුම්වත් කිරීමකින් තොරව අදාළ සමගම එම කටයුත්තෙක් අද (18) සිට ඉවත් වී තිබෙනවා.
මේ හේතුවෙන් අද (18) උදෑසන කාලයේ එම මාර්ගය භාවිත කරමින් කොළඹට ඇතුළුවීමේ දී රථවාහන තදබදයක් හටගත් බවයි පොලිසිය වැඩිදුරටත් සඳහන් කළේ.
මේ හේතුවෙන් මහජනතාව සහ රියැදුරන් පත් වූ අපහසුතාවට කණගාටුව පළ කරන බව ද පොලිසිය සඳහන් කරනවා.
කෙසේ මාර්ග සංවර්ධන අධිකාරිය සහ අදාළ පුද්ගලික සමාගම අතර මේ වනවිට එකඟතාවයට පැමිණි ඇති අතර; අද (18) පස්වරුවේ සිට යළිත් මෙම අමතර මංතීරු ක්‍රමය ක්‍රියාත්මක කරන බවයි පොලිසිය දැනුම් දෙන්නේ.
