ජනාධිපති ලේකම් කාර්යාල පරිශ්රයේදී පාර්ලිමේන්තු මන්ත්රී ගුණතිලක රාජපක්ෂ තුවාල ලැබීමේ සිද්ධිය සම්බන්ධයෙන්, මන්ත්රීවරුන් සිව් දෙනෙකුගෙන් ප්රකාශ සටහන් කරගෙන ඇතැයි පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව ප්රකාශ කරනවා.
පහරකෑමට ලක් ව දින ගණනාවක් රෝහල්ගතව ප්රතිකාර ලබා නිවසට පැමිණි පාර්ලිමේන්තු මන්ත්රී ගුණතිලක රාජපක්ෂ ඊයේ (13) මුල්වරට දසත නිවුස් සමග සම්මුඛ සාකච්ඡාවකට එක්වෙමින් සඳහන් කළේ ද මේ සම්බන්ධයෙන් කිසිවෙකුත් මෙතෙක් පොලිසිය විසින් අත්අඩංගුවට ගෙන නොමැති බවයි.
එහිදී ඒ මහතා ප්රකාශ කළේ මේ වනවිට සිද්ධියෙන් දින දහයක් ගත වී තිබුණත් ඊට සම්බන්ධ පුද්ගලයා අත්අඩංගුවට ගැනීමට පොලිසිය අපොහොසත් වී ඇති බවයි.
මේ සම්බන්ධයෙන් ප්රතිචාර දැක්වූ පොලිස් මාධ්ය ප්රකාශවරයා සටහන් කළේ සිද්ධිය සම්බන්ධයෙන් විමර්ශන තවදුරටත් සිදුකරමින් පවතින බවයි.
කෙසේ වෙතත්, සිද්ධිය වූ ස්ථානයේ ඇති cctv දර්ශන පරීක්ෂා කළහොත් සියලු තොරතුරු සැක හැර අනාවරණය කරගත හැකි බවටයි ගුණතිලක රාජපක්ෂ මන්ත්රීවරයා ප්රකාශ කරන්නේ.
