වසරේ පෙබරවාරි මස 28 වැනිදා රාජගිරිය ප්රදේශයේ දී අපරික්ෂාකාරී ලෙස රිය පදවා අනතුරක් සිදු කිරීමේ චෝදනා ලබා සිටින හිටපු අමාත්ය පාඨලී චම්පික රණවකට එරෙහිව ගොනුකර තිබෙන නඩුව පෙබරවාරි මස 28 වැනිදා යළි කැඳවීමට කොළඹ මහාධිකරණ විනිසුරු ප්රදීප් අබේරත්න මහතා අද (02) දින නියම කළා.
නීතිපතිවරයා විසින් පාඨලී චම්පික රණවකට එරෙහිව මෙම නඩුව ගොනුකර තිබෙන අතර විත්තිකාර පාඨලී චම්පික රණවක මහතා අද අධිකරණයේ පෙනී සිටියා.
නඩුව කැඳ වූ අවස්ථාවේ දී විත්තිකාර පාර්ශ්වය වෙනුවෙන් පෙනී සිටි නීතිඥ අමරසිරි පණ්ඩිතරත්න මහතා අධිකරණයට දන්වා සිටියේ, මෙම නඩුවේ කටයුතු අත්හිටුවමින් ශ්රේෂ්ඨාධිකරණය විසින් අතුරු තහනම් නියෝගයක් නිකුත් කර ඇති බවයි.
එම නිසා නඩුව කැඳවීම සඳහා වෙනත් දිනයක් ලබාදෙන ලෙසත් නීතිඥවරයා අධිකරණයෙන් ඉල්ලා සිටියා.
එම ඉල්ලීම පිළිගත් මහාධිකරණ විනිසුරුවරයා නඩුව පෙබරවාරි 28 කැඳවන ලෙස දින නියම කළා.
