පාකිස්තානයට එරෙහිව තරගාවලි ජයක් සොයා කැන්ගරුවන් අද පිටියට

සංචාරක පාකිස්තානයට එරෙහිව පැවැත්වෙන තරග 03කින් සමන්විත එක්දින තරගාවලියේ දෙවැනි තරගය අද (08) ආරම්භ වනවා.

ඒ සත්කාරක ඔස්ට්‍රෙලියානු කණ්ඩායම සමගින් ඇඩිලේඩ් හිදියි.

දෙරට අතර පැවැත්වුණු පළමු තරගයේ ජය ඔස්ට්‍රෙලියාව විසින් දිනාගනු ලැබුවා.

ඒ විශිෂ්ට කඩුලු 02කින් සිය ජයග්‍රහණය වාර්තා කරමින්.

අද තරගය ජය ගැනීම දෙපිළටම තීරණාත්මක වනු ඇති.

මක් නිසා ද යත් එක්දින තරගාවලි ජයක් පාකිස්තානයට එරෙහිව සිය මව්බිමේ දී ලැබීමට නම් ඔස්ට්‍රෙලියාව අද තරගයෙන් අනිවාර්‍යයෙන්ම ජයගත යුතු වනවා.

පාකිස්තානය අද තරගය ජය ගතහොත් නොවැම්බර් 10 පර්ත් හිදී පැවැත්වෙන තුන්වැනි සහ අවසන් එක්දින තරගය අතිශය උණුසුම්කාරී මුහුණුවරක් ගනු ඇති.

දෙරට අතර තරගය එරට වේලාවෙන් අද උදෑසන 9ට ආරම්භ වීමට නියමිතයි.