තියුණු ආයුධයකින් පහර දී සිය පෙම්වතිය ඝාතනය කිරීමට උත්සාහ කළ තරුණයෙකු අනුරාධපුර පොලිසිය විසින් අත් අඩංගුවට ගනු ලැබුවා.
දසත ප්රාදේශීය වාර්තාකරු පැවසුවේ සැකකාර තරුණයා පෙම්වතිය හමුවීමට පැමිණ ඇත්තේ ම ඇයව ඝාතනය කිරීමේ චේතනාවෙන් බවට පාපොච්චාරණය කළ බවයි.
අනුරාධපුර නගරයේ කුම්බිච්චංකුලම වැව අසල දී මෙම සැකකාර තරුණයා විසින් සිය පෙම්වතියට තියුණු ආයුධයකින් පහර දුන් අවස්ථාවේ දී එම ස්ථානය අවට රැඳී සිටි ප්රදේශවාසීන් පිරිසක් විසින් තරුණයාගෙන් තරුණියව බේරාගෙන ඇති බවයි.
ඉන් අනතුරුව කොඳුඇට පෙළෙහි මධ්යයට එල්ල වූ පහරකෑම්වලින් බරපතළ තුවාල ලැබූ අදාළ තරුණියව ප්රදේශවාසීන් විසින් කඩිනමින් අනුරාධපුර ශික්ෂණ රෝහල වෙත ඇතුළත් කර තිබෙනවා.
මෙම පහරදීම දෙදෙනා අතර තිබූ පෙම් පළහිලව්වක් හේතුවෙන් සිදු වූවක් බවටත් හෙළි ව තිබෙනවා.
පහර කෑමට ලක් ව ඇත්තේ එප්පාවල – කටියාව ප්රදේශයේ පදිංචි 25 හැවිරිදි තරුණියක් වන අතර සැකකාර තරුණයා 30 හැවිරිදි එප්පාවල – පහළ සියඹලෑව ප්රදේශයේ පදිංචිකරුවෙක්.
එම ස්ථානයේ තිබී තරුණියට පහර දුන් පිහියක් සහ වස බෝතලයක් ද පොලිසිය විසින් සිය භාරයට ගැනුණා.
පෙම්වතිය මරා දමා තමන් ද වස පානය කර සියදිවි හානි කරගැනීමේ සැලසුමක සිටි බවටයි සැකකරුගෙන් සිදු කළ ප්රශ්න කිරීම්වල දී ඔහු පවසා ඇත්තේ.
වැඩිදුර පරීක්ෂණ කටයුතු අනුරාධපුර පොලිසියේ අපරාධ විමර්ශන අංශය විසින් සිදු කරනු ලබනවා.
