අන්තර් නිර්වර්තන අභිසාරී කලාපය (උතුරු අර්ධ ගෝලයේ සහ දකුණු අර්ධ ගෝලයේ සිට පැමිණෙන සුළං අභිසාරී වන කලාපය) සහ දිවයින ආශ්රිතව පවතින වායුගෝලීය කැළඹිලි ස්වභාවය මේ දිනවල දිවයිනේ කාලගුණයට බලපෑම් කරමින් පවතින බව කාලගුණ විද්යා දෙපාර්තමේන්තුව විසින් නිකුත් කළ නිවේදනයේ සඳහන් වනවා.
ඒ හේතුවෙන් අද (15) සහ ඉදිරි දින කිහිපයේදී දිවයිනේ වැසි තත්ත්වයේ වර්ධනයක් බලාපොරොත්තු වන බවයි කාලගුණ දෙපාර්තමේන්තුව පවසන්නේ.
ඒ අනුව දිවයිනේ බොහෝ ප්රදේශ වල අද (15) පස්වරු 1.00 න් පමණ පසුව වැසි හෝ ගිගුරුම් සහිත වැසි ඇති විය හැකි බව ද එම නිවේදනයේ සඳහන්.
බස්නාහිර, සබරගමුව, මධ්යම, ඌව සහ වයඹ පළාත්වල මෙන්ම අම්පාර දිස්ත්රික්කයේත් ඇතැම් ස්ථානවල මිලි මීටර් 100 ට වැඩි තරමක් තද වැසි ඇති විය හැකි බවද අනාවැකි පළකර තිබෙනවා.
අද උදෑසන කාලයේදී ද බස්නාහිර, දකුණු සහ උතුරු පළාත්වල ද වැසි තත්ත්වයක් බලාපොරොත්තු වනවා.
ඊට අමතරව මධ්යම, සබරගමුව සහ ඌව පළාත්වල ඇතැම් ස්ථානවල අළුයම් කාලයේදී මීදුම් සහිත තත්ත්වයක් ද පැවතිය හැකි බවයි වාර්තා වන්නේ.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් කාරුණිකව ඉල්ලා සිටිනවා.
