ඊයේ (6) දින ගල්නෑව මද්‍යමහා විද්‍යාලයේ නිවාසාන්තර ක්‍රීඩා පුහුණුවීමක් අතරතුර පාසල් ළමුන් දෙදෙනෙකු අතර ඇති වූ ආරවුලක් හේතුවෙන්, එම ආරවුල ගුරුවරු මැදිහත් වීමෙන් සමතයකට පත කර තිබුණා.
පසුව එම සිදුවීමට මුල් වූ එම පාසලේ 9 වසරේ ඉගෙනුම ලැබූ දරුවා ගුරුවරුන් පහර දුන්නායි පවසමින් ගල්නෑව රෝහලට ඇතුලු වී තිබෙනවා.
මේ සිදුවීම පිළිඳව එම දරුවාගේ භාරකරුවන් හට පැහැදිලි කිරීම සදහා ඊයේ (06) සවස එම පාසලේ ක්‍රීඩා ගුරුවරයා ගල්නෑව ලෝලුගස්වැව ප්‍රදේශයේ ඇති එම දරුවාගේ නිවසට ගිය අවස්තාවේදී දරුවාගේ නිවසේ සිටි පිරිසක් එම ගුරුවරයාට අමානුෂික අයුරින් පහර දී තිබෙනවා.
පසුව එම ස්ථානයට පැමිණි එම පාසලේ ජීව විද්‍යා ගුරුවරයාටද ඒ අයුරිම පහර දී ඇති බව සඳහන්.
ඉන් අනතුරුව එම ගුරුවරුන් දෙදෙනා ගල්නෑව රෝහලට ඊයේ සවස ඇතුලත් කර ඇති අතර ජීව විද්‍යා ගුරුවරයාගේ හිසට සිදු ව තිබූ බරපතල තුවාල හේතුවෙන්, වැඩිදුර ප්‍රතිකාර සඳහා අනුරාධපුර ශික්ෂණ රෝහලට මාරුකර යවා තිබෙනවා.
මේ සම්බන්ධයෙන් මේ වන විට වයස අවුරුදු 17 තරණයකු අත්අඩංගුවට ගෙන ඇති අතර, සිදුවීමට අදාල වූ අනෙකුත් පිරිස ප්‍රදේශයේ පලාගොස් ඇති බවයි පොලිසිය සහහන් කළේ.
ඔවුන් සොයා මේ වනවිට ගල්නෑව පොලිස් විමර්ශන ආරම්භ කර ඇති බවද පොලිසිය සදහන් කළා.
මෙම සිදුවීම නිසාම අදින් ආරම්භවීමට නියමිතව තිබූ පාසල් නිවාසාන්තර ක්‍රීඩා උත්සවය තාවකාලිකව නවතාදමා තිබෙනවා.
