ප්‍රධාන පෙළේ මත්ද්‍රව්‍ය ජාවාරම්කරුවෙකු වන කුඩු රොෂාන් ඇතුළු පිරිසක් පොලිස් අත්අඩංගුවට ගෙන තිබෙනවා.
වරකාපොල පොලිසියට ලැබුණු තොරතුරක් අනුව එම ප්‍රදේශයේ හෝටලයක නවාතැන් ගෙන සිටියදී යි සැකකරුවන් පොලිස් භාරයට ගෙන ඇත්තේ.
මෙම පිරිස නුවරඑළිය ප්‍රදේශයේ හෝටලයක දින කිහිපයක් නතරවී සිට නැවත කොළඹට පැමිණෙමින් සිටියදී යුක්ති මෙහෙයුම යළි ආරම්භ කෙරෙන බවට ලැබුණු තොරතුරු මත වරකාපොල ප්‍රදේශයේ හෝටලයක නතරවී ඇති බවට විමර්ශන නිලධාරීන් හෙළි කරගෙන තිබෙනවා.
සැකකරුවන් අතර පිරිමි පුද්ගලයින් 10ක්, කාන්තාවන් 05ක් සහ කුඩා ළමුන් 08 දෙනෙකුට සිටි බව සඳහන්.
මත්ද්‍රව්‍ය ජාවාරම්කරුවන් අත්අඩංගුවට ගැනීම සඳහා පොලිසිය කරන මෙහෙයුම්වලින් සැඟවී සිටීමට මෙම පිරිස නුවරඑළිය ප්‍රදේශයේ හෝටලයක නවාතැන් ගැනීම සඳහා ගොස් ඇති බවට ද කරුණු අනාවරණ වී තිබෙනවා.
සැකකරුවන් සම්බන්ධයෙන් තවදුරටත් පොලිස් පරීක්ෂණ ක්‍රියාත්මකයි.
