බත්තරමුල්ලේ සීලරතන හිමියන්ගේ ප්‍රකාශයකට දැඩි ලෙස විරෝධයක් එල්ල වී තිබෙනවා.
ඒ පවුල් සෞඛ්‍ය සේවා නිලධාරීන්ගේ සංගමයෙන්.
අද (19) දිනයේ දී විශේෂ මාධ්‍ය හමුවක් කැඳවමින් එම සංගමය චෝදනා කර සිටියේ පසුගිය දිනෙක බත්තරමුල්ලේ සීලරතන හිමියන් විසින් ලෝක ගෞරවයට මෙන් ම ඉමහත් සේවයක් සලසන පවුල් සෞඛ්‍ය සේවා නිලධාරිනියන්ගේ සේවාවට නිගරු වන ලෙස අසත්‍ය ප්‍රකාශ නිකුත් කළ බවයි.
පවුල් සෞඛ්‍ය සේවා නිලධාරිනියන්ගේ සංගමය පවසන්නේ; සීලරතන භික්ෂුව පවසන පරිදි මෙරට පවුල් සෞඛ්‍ය සේවා නිලධාරිනියන් යනු එන්.ජී. ඕ ආයතනවලින් වැටුප් ලබන පිරිසක් බවයි.
නමුත් තමන් ඇතුළු නිලධාරිනියන්ට වැටුප් ගෙවීම් සිදු කරන්නේ ශ්‍රී ලංකා රජයෙන් බවයි අද පැවති මාධ්‍ය හමුවේදී එම නිලධාරිනියන්ගේ වෘත්තීය සමිතිය පෙන්වාදුන්නේ.
මෙරට අතීතයේ වාර්තා වූ පරිදි මාතෘ හෝ ළමා මරණ අනුපාතය අවම වී ඇත්තේ පවුල් සෞඛ්‍ය සේවා නිලධාරිනියන්ගේ කැපවීම මත මිසක් සීලරතන හිමියන්ගේ පටු අදහස් නිසාවෙන් නොවන බවට ද පවුල් සෞඛ්‍ය සේවා නිලධාරිනියන්ගේ සංගමය චෝදනා කරනවා.
