පවතින ඉන්ධන තොග සැලසුම් සහගතව බෙදාහරින්න – ජනපතිගෙන් උපදෙස්

පවතින ඉන්ධන තොග ක්‍රමවත්ව දිවයින පුරා පිරවුම්හල්වලට බෙදාහරින ලෙස ජනාධිපති ගෝඨාභය රාජපක්ෂ අදාළ නිලධාරීන්ට උපදෙස් ලබාදී තිබෙනවා.

පෙට්‍රල්, ඩීසල්, ගෑස් බෙදාහැරීම සහ ආනයනය සම්බන්ධයෙන් අද (17) පෙරවරුවේ කොළඹ කොටුව ජනාධිපති මන්දිරයේ පැවති සාකච්ඡාවකදීයි මේ බව සඳහන් කර ඇත්තේ.

සැපයුම්කරුවන් සමඟ දීර්ඝ කාලීනව ඉන්ධන ලබාගැනීම සඳහා ගිවිසුම් ගතවීමට ඇති හැකියාව කෙරෙහි විශේෂ අවදානයක් මෙම සාකච්ඡාවකදී යොමුව ඇති බවයි ජනාධිපති මාධ්‍ය අංශය සඳහන් කළේ.