Update – වෙන්නප්පුවේ දී නීතිවිරෝධී මත්පැන් විෂ වී මියගිය ගණන ඉහළට (ඡායාරූප)

වෙන්නප්පුව, වයික්කාල තඹරල ප්‍රදේශයේදී නීතිවිරෝධී මත්පැන් පානය කිරීමෙන් මියගිය බවට බවට සැක පුද්ගලයින් ගණන 05ක් දක්වා ඉහළ ගොස් තිබෙනවා.

ඉන් දෙදෙනකු මාරවිල රෝහලේ දී මියගොස් ඇති අතර, තවත් තිදෙනෙකු ප්‍රදේශයේ නිවසක සහ නවාතැන් පොළක මියගොස් ඇති බවයි වාර්තා වුණේ.

එසේම මෙම නීතිවිරෝධී මත්පැන් පානය කළ බවට සැක පුද්ගලයින් තිදෙනෙකු ප්‍රතිකාර සඳහා මේ වනවිට මීගමුව රෝහලට ඇතුළත් කර තිබෙනවා.

සිද්ධිය සම්බන්ධයෙන් සැකපිට කාන්තාවක් අත්අඩංගුවට ගෙන ඇති අතර වෙන්නප්පුව පොලීසිය වැඩිදුර විමර්ශන ආරම්භ කර තිබෙනවා.

Update – Tuesday, January 6, 2026, 12.01 PM

වෙන්නප්පුව, වයික්කාල ප්‍රදේශයේ නීතිවිරෝධී මත්පැන් පානය කිරීමෙන් මියගිය බවට සැකකෙරෙන පුද්ගලයින් තිදෙනෙකුගේ මළ සිරුරු සොයාගෙන තිබෙනවා.

වයික්කාල ප්‍රදේශයේ කර්මාන්තශාලාවක සේවය කළ පුද්ගලයින් තිදෙනෙක් මෙලෙස ජීවිතක්ෂයට පත්ව ඇති බවයි තොරතුරැ වාර්තා වුණේ.

මින් දෙදෙනෙකුගේ සිරුරු වයික්කාල ප්‍රදේශයේ නවාතැන්පොළක තිබී සොයාගෙන ඇති අතර, තවත් එක් පුද්ගලයෙකුගේ සිරුර එම ප්‍රදේශයේ නිවසක් තුළ තිබී හමුව තිබෙනවා.

මෙලෙස මියගොස් ඇති පුද්ගලයින් තිදෙනා අනුරාධපුර, ඩයගම සහ වයික්කාල යන ප්‍රදේශවල පදිංචිකරුවන් බවයි තොරතුරු වාර්තා වන්නේ.

ඔවුන් වයස අවුරුදු 53 සහ 28 යන වයස්වල පසුවන්නන්.

මේ අතර නීතිවිරෝධී මත්පැන් පානය කළ තවත් තිදෙනෙක් රෝගී වී මාරවිල රෝහලට ඇතුළත් කර ඇති බවට ද තොරතුරු වාර්තා වෙනවා.