විදෙස් නිවාඩු ලබා ආපසු පැමිණෙන රාජ්‍ය සේවකයින් සඳහා නව මාර්ගෝපදේශ නිකුත් කිරීමට රාජ්‍ය පරිපාලන අමාත්‍යාංශය කටයුතු කර තිබෙනවා.
ඒ, අනුව නව චක්‍රලේඛයට අනුව සේවකයින්ගේ නිවාඩු කාලය අවසන් වූ පසු නියමිත දිනට නැවත සේවයට වාර්තා නොකරන්නේ නම් ඔවුන් තම තනතුර හැරගිය අය ලෙස සලකනු ලබනවා.
කිසියම් රාජ්‍ය සේවකයින්ට තම විදේශ නිවාඩු දීර්ඝ කිරීමට අවශ්‍ය නම්, ඔවුන්ගේ මූලික නිවාඩු කාලය අවසන් වීමට පෙර අවසර ලබා ගත යුතුයි.
කාලය දීර්ඝ කිරීම සම්බන්ධයෙන් කිසියම් ගැටළුවක් විසඳා ගැනීමට අපහොසත්වන රාජ්‍ය සේවකයින්ට, ඔවුන් සැලසුම් කළ පරිදි නැවත සේවයට පැමිණිය යුතු වනවා.
මෙම නව ක්‍රියා පටිපාටි ක්‍රියාත්මක කිරීමට අපොහොසත් වන රාජ්‍ය ආයතන ප්‍රධානීන්ට විනය ක්‍රියාමාර්ගවලට මුහුණ දීමට සිදුවන බව රාජ්‍ය පරිපාලන අමාත්‍යාංශය පවසනවා.
සියලුම රාජ්‍ය ආයතන හරහා වඩා හොඳ කළමනාකරණයක් සහ නිවාඩු ප්‍රතිපත්ති පිළිපැදීම සහතික කිරීම මෙහි අරංබුඅ වී තිබෙනවා.
