ශ්රී ලංකා ක්රිකට් ආයතනය මගින් පවත්වනු ලබන වයස අවුරුදු 13න් පහළ 2024 වර්ෂයට නියමිත ක්රිකට් තරගාවලියේ දී අනුරාධපුර – මිහින්තලා මහ විදුහලේ 07 වැනි ශ්රේණියේ ඉගෙනුම ලබන අංජන අබේකෝන් සිසුවා පන්දු යැවීමේ දී දැක්වූ විශිෂ්ටතම කුසලතාවක් පිළිබඳව තොරතුරු දසත ප්රවෘත්ති අංශය වෙත වාර්තා වී තිබෙනවා.
ඒ එම ක්රීඩකයා සිය පන්දුවාර 05 තුළ දී කිසිදු ලකුණක් ප්රතිවාදීන්ට ලබා නොදී කඩුලු 09ක් ම බිඳ දැමීමට සමත් වීමය.
අංජන සිසුවා මෙම දක්ෂතාව නොච්චයාගම විද්යාර්ථ මහා විද්යාලයට එරෙහිව සිදු කරනු ලැබුවා.
එමෙන්ම ඔහු සිය පිතිකරණයෙන් ද ලකුණු 65ක් එම ඉනිමේ දී ලබා ගැනීමට සමත් වූ බවත් වාර්තා වනවා.
ජාත්යන්තර ක්රිකට්වලට අවශ්ය වන දක්ෂ ක්රීඩකයින් ගම්බද පාසල්වල සිටින බවත් ඔවුන්ට නිසි තාක්ෂණික පුහුණුව ලබා දී ක්රිකට් ක්රීඩාවේ දියුණුවට යොදා ගැනීම සඳහා වන විශේෂ වැඩපිළිවෙළක් සකසන්නේ නම් වඩාත් සතුටුදායක විය හැකි බවයි මිහින්තලේ මහා විද්යාලයේ ක්රිකට් භාර ආචාර්යවරයා පවසන්නේ.
wpDiscuz
