නාමයෝජනා එළඹෙන 11 වැනිදා පෙරවරු 11ට භාර ගැනීම අවසන් වූ පසුව කිසිදු ලෙසකින් ප්රචාරණ වැඩසටහන්, පෙළපාලි පැවැත්වීම සිදු කළ නොහැකි බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා පවසනවා.
සභාපතිවරයා අද (08) මාධ්ය හමුවකට එක්වෙමින් සඳහන් කළේ; ඔක්තෝබර් 11 වැනිදා නාමයෝජනා භාරගැනීම අවසන් වූ පසු එදිනම දහවල් 12 සිට 1.30 තෙක් නාමයෝජනාවලට අදාළ විරෝධතා භාරගැනීමේ කටයුතු සිදු කෙරෙන බවයි.
ඉන් පසුව නොවැම්බර් මස 14 වැනිදා පැවැත්වීමට නියමිතව ඇති මහ මැතිවරණ කටයුතු සඳහා අවශ්ය පොලිස් ආරක්ෂාවත් මැතිවරණ කොට්ඨාස 22ක දිස්ත්රික්ක ලේකම් කාර්යාලය කේන්ද්ර කරගනිමින් ලබාදීමට කටයුතු යොදා ඇති බව ද මැතිවරණ කොමිෂන් සභාව පැවසුවා.
මේ වනවිට ස්වාධීන කණ්ඩායම් 203ක් සිය ඇප මුදල් තැන්පත් කර අවසන් බව ද වාර්තා වනවා.
දේශපාලන පක්ෂ 09 ක්, ස්වාධීන කණ්ඩායම් 09ක් ලෙස සමස්ත පාර්ශ්ව 18ක් නාමයෝජනා පත්ර භාර දී අවසන් බව ද මැතිවරණ කොමිෂන් සභාවේ සභාපතිවරයා කියා සිටියා.
මේ අතර නාමයෝජනා භාරගැනීමෙන් පසුව දැඩි ලෙස පාර්ලිමේන්තු මැතිවරණයට අදාළ නීතිරීති, උපමාන මේ වනවිටත් ක්රියාත්මක බවත්; කිසිදු ලෙසක පත්වීම් ලබාදීම්, ස්ථාන මාරු කිරීම් කළ නොහැකි බවත් යම් අත්යවශ්යතාවක් නම් ඒ බව කොමිෂන් සභාව වෙත දැනුම්දී පූර්ව අවසරය ලබා ගැනීම කළ යුතු බවත් මැතිවරණ කොමිෂන් සභාව සඳහන් කළා.
එමෙන්ම ඇල්පිටිය ප්රාදේශීය සභාවේ ඡන්දය ඔක්තෝබර් 26 වැනිදා පැවැත්වීමට නියමිතව තිබෙනවා.
